ពេល​នេះ​ប្រិយមិត្ត​​អស់​កង្វល់​ពី​ការ​ដំឡើង Windows ចំនួន ២ នៅ​លើ​កុំព្យូទ័រ​តែមួយ ​​ក្រោយ​ពី​ដំឡើង​រួច​មិន​ដំណើរការ​ទៀត​។ Sabay បាន​ផ្សាយ​របៀប​ដំឡើង Windows ចំនួន ២ លើ​ម៉ាស៊ីន​តែ​មួយ​ឱ្យ​ដំណើរការ​បាន​ទាំង​ពីរ​រួច​មក​ហើយ​កាល​ពី​សប្ដាហ៍​មុន ដែល Setup Windows 8 រួច​ទើប Windows 7 ចុង​ក្រោយ។ តែ​ប្រសិន​បើដំឡើង​មិន​ដំណើរការ​មួយ​​ពោល​គឺ​ពុំមាន​នូវ​ជម្រើស Boot ឱ្យ​ប្រិយមិត្ត​រើស ចូល​ទៅ​កាន់​ Windows មួយ​ទៀត​ទេ ដូចនេះ Sabay នឹង​បង្ហាញ​ពី​របៀប​ធ្វើ​ឱ្យ​អាច​ដំណើរការ​បាន​ទាំង​ពីរ។

ដើម្បី​ចូល​ទៅ​កាន់​ជម្រើស​នៃ Windows ទាំង​ពីរ​ខណៈពេល​​ Boot កុំព្យូទ័រ  ដូចនេះ​មាន​​កម្មវិធី​មួយ​ឈ្មោះ​ថា EasyBCD សម្រាប់​កែ Boot។

ចុច​អាន៖ Setup Windows ២​ លើ​ម៉ាស៊ីន​តែ​មួយ​ ងាយៗ​អាច​សាកល្បង​ធ្វើ​បាន

សូម​ប្រិយ​មិត្ត​មើល​ជំហាន​ខាង​ក្រោម​៖

ដំបូង​ត្រូវ​មាន​កម្មវិធី EasyBCD នៅ​លើ Windows មួយ​ក្នុង​ចំណោម​ពីរ Windows ដែល​ទើប​បាន​ដំឡើង។ តែ​បើ​មិន​ទាន់​មាន​ប្រិយមិត្ត​អាច​ ចុច​ត្រង់​នេះ... ដើម្បី​ទាញ​យក​ដោយ​ឥត​គិត​ថ្លៃ ជា​មួយ​ទំហំ 1.6MB។

១. ចុច​លើ​ប៊ូតុង Add New Entry នៅ​ផ្នែក​ខាង​ឆ្វេង រួច​ហើយ​ត្រង់​ផ្នែក Operating Systems សូម​ចូល​ទៅ Windows Tab។

២. នៅ​ត្រង់​ប្រអប់ Type សូម​ជ្រើសរើស​ជំនាន់ Windows ដែល​ក្នុង​នោះ​មាន​ដូច​ជា៖

បញ្ជាក់៖ ត្រូវ​ប្រាកដ​ថា​ត្រឹមត្រូវ​ហើយ​ឫ នៅ​ពេល​ដែល​ជ្រើស​រើស​ថា​ចូល​ទៅ​កាន់​ Windows មួយ​ទៀត​ជា Windows ប្រភេទ​ណា។

៣. បន្ទាប់​ពី​ជ្រើស​រើស​ហើយ​ ផ្នែក​ Type គឺ​ចេញ​ឈ្មោះ​ប្រភេទ Windows តែ​ម្ដង។ ឫ​មួយ​ក៏​ប្រិយមិត្ត​អាច​វាយ​បញ្ចូល​ឈ្មោះ Windows ដែល​ចង់​ដាក់​ដោយ​ខ្លួន​ឯង​នៅ​ត្រង់ Name ក៏​បាន។

៤. រួច​ហើយ ចុច​លើ​ប៊ូតុង Add Entry

៥. ក្រោយ​មក​ទៀត​ចុច​លើ​ប៊ូតុង BCD Deployment និង​រើស​យក Install the Windows Vista/7 bootloader to the MBR ហើយ​ចុច​លើ​ប៊ូតុង Write MBR ជា​ការ​ស្រេច។

៦. បន្ទាប់​មក​បិទ​កម្មវិធី EasyBCD ហើយ Restart Windows ជា​ការ​ស្រេច។ នៅ​ពេល​នេះ ប្រិយមិត្ត​នឹង​បាន​ឃើញ​ជម្រើស Windows ពីរ​គឺ Windows 7 ផង និង Windows 8។

ចំណាំ៖ មិន​ថា Windows ប្រភេទ​ណា​ទេ​គឺ​អាច​ប្រើ​បាន​ទាំង​អស់។

ដោយ៖ ដារ៉ាឆានី