តោះមើលក្រុមណាខ្លះធ្លាប់លើកពាន Hun Sen Cup ៨ឆ្នាំកន្លងមក?

2015-01-20 22:06:24
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកគាំទ្រជាច្រើនបានដឹង និង បានអានព័ត៌មានជាច្រើនទាក់ទងនឹងពានរង្វាន់សម្តេច ហ៊ុន សែន ដែលគេប្រៀបប្រដូចទៅនឹង FA Cup នៅអង់គ្លេស ឬ ជាពានលំដាប់ទីពីរនៅកម្ពុជា បន្ទាប់ពី មិត្តហ្វូនខេមបូឌានលីក។ ប្រិយមិត្តដែលមិនទាន់ស្គាល់ច្បាស់អាចស្វែងយល់នៅ Sabay ឥឡូវនេះដើម្បីជាទុនមួយដើម្បីឆ្ពោះទៅរកការគាំទ្រពេញទំហឹង ចំពោះវិស័យបាល់ទាត់ជាតិ។

ពានរង្វាន់ Hun Sen Cup បានកកើតដំបូងក្នុងឆ្នាំ២០០៧ដែលនោះមានក្រុមចំនួន ២៨ ទូទាំងប្រទេសចូលរួមប្រកួតប្រជែង។ ពានរង្វាន់នេះបានកើតឡើងក្រោយពេល ឯកឧត្ដម សៅ សុខា ត្រូវបានបោះឆ្នោតឲ្យជាប់ជាប្រធានសហព័ន្ធកីឡាបាល់ទាត់កម្ពុជានាឆ្នាំ២០០៦។

ក្រុមប៉ូលិសជាជើងឯកឆ្នាំ២០១៤

ការប្រកួតនាឆ្នាំ២០០៧ គឺធ្វើឡើងដោយជម្រុះតាមពូល រហូតដល់វគ្គចាញ់ធ្លាក់(Knock out)។ ទីបំផុត ក្រុម ខេមរាកីឡា គឺជាក្រុមដំបូងគេដែលបានឈ្នះ ពាននេះក្នុងប្រវត្តិសាស្ត្ររបស់ក្លិប មុនពេលក្លិបដកខ្លួនចេញពីពិភពបាល់ទាត់ជាតិនៅឆ្នាំ២០១១ ដោយសារតែវិបត្តិហិរញ្ញវត្ថុ។

ប្រវត្តិជយលាភីពានរង្វាន់ Hun Sen Cup ពីឆ្នាំ២០០៧ដល់២០១៤
ឆ្នាំ	ជើងឯក	លទ្ធផល	ជើងឯករង	លេខ៣	លទ្ធផល	លេខ៤
២០០៧	ខេមរាកីឡា	១-១(៤-២pen)	ណាហ្គាខប	ភ្នំពេញក្រោន	៤- ១	បៀលប្រាយ
Fair Play: BBU, កីឡាករស៊ុតបញ្ចូលទីច្រើន: ហុក សុជីវ័ន
២០០៨	ភ្នំពេញក្រោន	១- ០	ព្រះខ័ន្ធរាជ	បៀលប្រាយ	៣-២	ខេមរាកីឡា
Fair Play: ព្រះខ័នរាជ,កីឡាករស៊ុតបញ្ចូលទីច្រើន សុក ច័ន្ទរស្មី, អ្នកចាំទីល្អ អ៊ុក ម៉ិច
២០០៩	ភ្នំពេញក្រោន	១- ០	ណាហ្គាខប	ព្រះខ័ន្ធរាជ	៣-០	ភុជង្គនាគ
Fair Play: ភុជង្គនាគ,កីឡាករស៊ុតបញ្ចូលទីច្រើន គួច សុកុម្ភៈ, អ្នកចាំទីល្អ ហែម ស៊ីម៉ៃ
២០១០	ការពារជាតិ	៣-២	ភ្នំពេញក្រោន	ព្រះខ័នរាជ	៣ - ២	ណាហ្គាខប
Fair Play: ព្រះខ័នរាជ, អ្នកស៊ុតបញ្ចូលទីច្រើន គួច សុកុម្ភៈនិងស្រី វាសនា, ចាំទីល្អ ប៉េង ប៊ុនឆាយ
២០១១	ព្រះខ័នរាជ	២-០	បៀលប្រាយ	ណាហ្គាខប	១-០	ការពារជាតិ
Fair Play: ការពារជាតិ,កីឡាករស៊ុតបញ្ចូលទីច្រើន ឃួន ឡាបូរ៉ាវី, អ្នកចាំទីល្អ អ៊ុក ម៉ិច
២០១២	ព្រះខ័នរាជ	២-១ (AET)	ណាហ្គាខប	ប៉ូលិស	៣-០	ឆ្លាមសមុទ្រ
Fair Play: ណាហ្គាខប, កីឡាករស៊ុតបញ្ចូលទីច្រើន ឃួន ឡាបូរ៉ាវី, អ្នកចាំទីល្អ សរ សុភា
២០១៣	ណាហ្គាខប	៥-៣ (AET)	ការពារជាតិ	ភ្នំពេញក្រោន	៣-១	គីរីវង់
Fair-Play: ភ្នំពេញក្រោន , កីឡាករស៊ូតបញ្ចូលទីច្រើន: ចាន់ វឌ្ឍនាកា , អ្នកចាំទីល្អ: ផន រតនា
២០១៤	ប៉ូលិស	២-០	បៀលប្រាយ	បឹងកេត	៣-០	ណាហ្គាខប
Fair-Play: ក្រុមបឹងកេត, កីឡាករស៊ូតបញ្ចូលទីច្រើន: ឃួន ឡាបូរ៉ាវី, អ្នកចាំទីល្អ: ប្រាក់ ភារុណ