តាមពិត កំពូលអ្នកថតត្រូវខ្លាឃ្មុំដេញ គឺជារូបកាត់ត
- 2015-01-21 17:52:08
- ចំនួនមតិ 0 | ចំនួនចែករំលែក 0
តាមពិត កំពូលអ្នកថតត្រូវខ្លាឃ្មុំដេញ គឺជារូបកាត់ត
ចន្លោះមិនឃើញ
រូបថតមនុស្ស ៤នាក់ ត្រូវខ្លាឃ្មុំដេញពេលកំពុងថតរឿងនៅតំបន់ព្រៃមួយ បានល្បីល្បាញយ៉ាងខ្លាំងលើអ៊ីនធឺណិត ព្រោះមើលទៅគួរឲ្យចង់សើច ហើយមានមនុស្សជាច្រើនបានចែករំលែករូបនេះ។ គ្មាននរណាម្នាក់គិតថារូបនេះត្រូវកាត់តឡើយ ដោយសារសកម្មភាពដែលពួកគេរត់ មើលទៅដូចជាពិតៗជាក់ស្ដែង។
រូបថតកាត់តរួច
យ៉ាងណាមិញ ពេលនេះមានមនុស្សម្នាក់ បានចេញមុខមកលាតត្រដាងការពិតថា រូបខាងលើគឺជារូបកាត់ត ក្នុងគោលបំណងកម្សាន្តអារម្មណ៍តែប៉ុណ្ណោះ ប៉ុន្តែមិននឹកស្មានថាល្បីទូទាំងពិភពលោកបែបនេះឡើយ។
ម្ចាស់ប្លុកមួយ បានបញ្ជាក់ថា លោក Tim Sparks ជាផលិតករភាពយន្ត នៅរដ្ឋ Colorado សហរដ្ឋអាមេរិក បានទាក់ទងមកលោកតាម Twitter ដើម្បីគាស់កកាយពីរឿងរូបថតនេះ។ លោក Sparks ជាមនុស្សដែលមានពុកមាត់ច្រើនជាងគេនៅក្នុងរូប បាននិយាយថា រូបនោះថតតាំងពីឆ្នាំ ២០១១ម្ល៉េះ។ ពេលនោះ លោក Sparks និងក្រុមការងារផ្សេងទៀតនៅក្នុងរូប កំពុងថតខ្សែភាពយន្ត នៅតំបន់ព្រៃមួយ ក្នុងក្រុង Salida រដ្ឋ Colorado។
រូបពិត
លោក Sparks បានបញ្ជាក់បន្តទៀតថា មិត្តភ័ក្ដិ និងគ្រួសាររបស់ក្រុមការងារទាំងអស់ ដឹងថាពួកគេកំពុងនៅក្នុងព្រៃ ដូច្នេះហើយក៏រៀបចំថតរូបធ្វើដូចជាខ្លាឃ្មុំដេញពិតៗ និងបង្ហោះចូលទៅក្នុងបណ្ដាញសង្គមហ្វេសប៊ុក ដើម្បីកម្សាន្តអារម្មណ៍។ បន្ទាប់មក រូបនោះចាប់ផ្ដើមបែកធ្លាយទៅដល់បណ្ដាញសង្គមផ្សេងៗទៀត រហូតល្បីខ្លាំងពេញអ៊ីនធឺណិតទូទាំងពិភពលោក៕
ខ្លាឃ្មុំដែលគេបញ្ចូលក្នុងរូបថត
រូបពេលកំពុងថតលេង
ចុចអាន៖ កំពូលមុខ Troll កំពុងល្បីខ្លាំង តាមពិតជាអតីតវីរបុរសបាល់បោះចិន
ដោយ៖ គង់ វិសាល ប្រភព៖ factually