ចិនដកមន្ត្រីមួយចំនួន ក្រោយឧប្បត្តិហេតុជាន់គ្នាស្លាប់កាលចូលឆ្នាំសាកល
- 2015-01-21 22:56:33
- ចំនួនមតិ 0 | ចំនួនចែករំលែក 0
ចិនដកមន្ត្រីមួយចំនួន ក្រោយឧប្បត្តិហេតុជាន់គ្នាស្លាប់កាលចូលឆ្នាំសាកល
ចន្លោះមិនឃើញ
មន្ត្រីចិន ៤នាក់ ត្រូវដកតំណែងបញ្ឈប់ការងារ និង ៧នាក់ផ្សេងទៀតរងពិន័យ ក្រោយឧប្បត្តិហេតុជាន់គ្នាស្លាប់យ៉ាងរង្គាល កាលថ្ងៃឆ្លងឆ្នាំសាកល២០១៤ ឈានចូលឆ្នាំ២០១៥។ នេះបើតាមការសម្រេចរបស់មន្ត្រីក្រុងស៊ាងហៃ ដែលប្រកាសនៅក្នុងសន្និសីទកាសែតថ្ងៃនេះ។
ប៉ូលិសកំពុងជួយមនុស្សដែលនៅគរលើគ្នា
របាយការណ៍ស៊ើបអង្កេត ចេញផ្សាយដោយមន្ត្រីរដ្ឋបាលក្រុងស៊ាងហៃ បានបង្ហាញថាចលាចលជាន់គ្នាស្លាប់មនុស្សយ៉ាងច្រើននេះ បណ្ដាលមកពីបញ្ហាសន្តិសុខសាធារណៈ និងមន្ត្រីពាក់ព័ន្ធ ដែលត្រូវទទួលខុសត្រូវចំពោះមុខហេតុការណ៍គ្រោះថ្នាក់។
មន្ត្រីដែលត្រូវដកចេញពីតំណែងមានទាំង ប្រធានបក្សកុម្មុយនិស្តស្រុក អភិបាលស្រុក ប្រធានផ្នែកសន្តិសុខសាធារណៈស្រុក ព្រមទាំងអធិការរងប៉ូលិសស្រុក។ ចំណែកអ្នកដែលត្រូវទទួលពិន័យមាន មន្ត្រីក្នុងវិស័យទេសចរណ៍ មន្រ្តីសន្តិសុខសាធារណៈ និងមន្ត្រីគ្រប់គ្រងក្រុង។
ក្រុមគ្រួសារជនរងគ្រោះកំពុងតវ៉ា
កាលពីថ្ងៃឆ្លងឆ្នាំសាកល២០១៤ ឈានចូល ២០១៥ មនុស្ស ៣៦នាក់ បានស្លាប់ ៤៩នាក់ផ្សេងទៀតរងរបួស ក្នុងឧប្បត្តិហេតុរត់ជាន់គ្នា នៅក្នុងប្រទេសចិន។ ពេលនោះ មូលហេតុពុំត្រូវបានគេដឹងជាក់លាក់ទេ ប៉ុន្តែសារព័ត៌មានក្នុងស្រុកខ្លះចុះថា បណ្ដាលមកពីការបាចលុយ១០០ដុល្លារក្លែងក្លាយ ចេញពីឆាករៀបចំសម្រាប់រាប់ឆ្លងឆ្នាំ បណ្ដាលឲ្យមនុស្សជាច្រើនប្រជ្រៀតគ្នារត់ទៅរើស រហូតមានការជាន់គ្នាស្លាប់បែបនេះ។
ចុចអាន៖ ក្ដៅៗ! ស្លាប់៣៥នាក់ របួស៤២នាក់ ជាន់គ្នាពេល Countdown ឆ្លងឆ្នាំយប់មិញ
ប្រែសម្រួល៖ គង់ វិសាល
ប្រភព៖ shanghaiist
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
