Ozil ស៊ុតគ្រាប់ដំបូងក្នុងរយៈពេល៥ខែ ជួយ Arsenal ឡើងជុំបន្ទាប់ FA Cup
- 2015-01-26 14:46:49
- ចំនួនមតិ 0 | ចំនួនចែករំលែក 0
Ozil ស៊ុតគ្រាប់ដំបូងក្នុងរយៈពេល៥ខែ ជួយ Arsenal ឡើងជុំបន្ទាប់ FA Cup
ចន្លោះមិនឃើញ
ក្រុមការពារតំណែងជើងឯកចាស់ Arsenal បានឡើងទៅកាន់ជុំទី៥ FA Cup ក្រោយយកឈ្នះក្រុមលីកលំដាប់ទី២ Brighton & Hove Albion ៣-២ យប់មិញនេះ។
កីឡាករដែលទើបជាពីរបួសដ៏រ៉ាំរ៉ៃរយៈពេល៩ខែ Theo Walcott បានធ្វើឲ្យអ្នកគាំទ្រម្ចាស់ផ្ទះនៅកីឡដ្ឋាន Amex Stadium ស្ងាត់មាត់តាំងពីនាទីដំបូង ដោយស៊ុតបញ្ចូលទីបានយ៉ាងល្អ ក្រោយទទួលបាល់បញ្ជូនពី Calum Chambers ពីស្លាបស្ដាំ។
Mesut Ozil ដែលរងរបួស និងធ្លាក់ទម្រង់លេង ហើយខានស៊ុតបញ្ចូលទីតាំងពីកញ្ញាមកនោះ បានបន្ថែមគ្រាប់ទី២ឲ្យក្រុមលោក Arsene Wenger នៅនាទី២៤ មុនពេលកីឡាករវ័យ៣៤ឆ្នាំ Tomas Rosicky ស៊ុតវ៉ូឡេបញ្ចូលទីគ្រាប់ទី៣ នៅនាទី៥៩ ក្រោយពី Chris O'Grady របស់ Brighton សងមួយគ្រាប់វិញនៅ៩នាទីមុននោះ (នាទី៥០)។
សល់១៥នាទីមុនចប់ការប្រកួត Sam Baldock បានស៊ុតសងវិញមួយគ្រាប់ទៀត ប៉ុន្តែមិនគ្រប់គ្រាន់ឲ្យក្រុមលោក Chris Hughton បង្អាក់ដំណើររបស់កាំភ្លើងធំបានឡើយ។
លទ្ធផល២គូទៀតកាលពីយប់មិញដែរនោះ គឺ West Ham យកឈ្នះ Bristol City ១-០ ឯ Aston Villa ស៊ី AFC Bournemouth ២-១៕
http://youtu.be/KXnzlQIb0O0
ដោយ៖ សុខ សុវត្ថិ
រូបភាព៖ dailymail