ទីបំផុត ឡូរ៉ា ចេញវីដេអូចម្រៀង "យល់សប្តិ យល់សូង" ផ្លូវការ

2015-01-27 19:23:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រិយមិត្តជាច្រើនបានសាទរតាំងពីបទថ្មី "យល់សប្តិ យល់សូង" ទើបចេញវីដេអូឈុត(Teaser)។ ឥឡូវនេះ ឡូរ៉ា បានបញ្ចេញវីដេអូចម្រៀងពេញលេញផ្លូវការហើយប្រមាណកន្លះម៉ោងមុននេះ។

"វីដេអូចម្រៀងនេះ គឺជាលទ្ធផលការងារមួយដែលខ្ញុំពេញចិត្តបំផុតមួយក្នុងឆាកជីវិតរបស់ខ្ញុំ។ ជាការពិត ខ្ញុំស្រលាញ់វាខ្លាំងដោយសារថា ជាការងារដែលចូលរួមសម្រេចឡើងដោយក្រុមគ្រួសារខ្ញុំមាន អ្នកម៉ាក់ លោកប៉ា បងប្អូនប្រុសរបស់ខ្ញុំ សុទ្ធជាបុគ្គលដែលមានការជឿជាក់ និងយល់ពីសក្ដានុពល នៃអនាគតរបស់កម្ពុជា"។ ឡូរ៉ា ថ្លែង។

បន្ថែមពីលើនេះតារាចម្រៀងខ្មែរ-អាមេរិកាំងរូបនេះ បានថ្លែងអំណរដល់បុគ្គលផ្សេងទៀតបានរួមចំណែកក្នុងការផលិតវីដេអូចម្រៀងដ៏អស្ចារ្យមួយនេះ ក្នុងនោះមានលោក អ៊ុត រឿន ជាបុគ្គលចំណាយពេលស្ទើរពេញមួយជីវិតដើម្បីគូគំនូរដ៏រស់រវើកដែលនាងបានយកមកដាក់ក្នុងបទចម្រៀងរបស់នាង។

“ខ្ញុំបានស្នើសុំសិទ្ធិពីគាត់សុំស្នាដៃមកប្រើប្រាស់ ហើយគាត់បាននិយាយមកខ្ញុំថា "ប្រសិនបើគិតថាស្នាដៃរបស់គាត់នេះ ត្រូវនឹងយុវវ័យ នាងអាចប្រើវាបានគ្រប់ទីកន្លែង" ខ្ញុំចង់ឲ្យយុវវ័យកម្ពុជាចងចាំ និងយល់ពីគាត់"។ ឡូរ៉ា បន្ថែម។

បុគ្គលដែលតារាចម្រៀងវ័យ ២៨ឆ្នាំរូបនេះ រំលឹកគុណបន្តទៀតនោះមាន នូ រតនា របស់ StabLabs និងលោកគ្រូរបស់នាង ឌៀន សាវរី។ ពូកគេទាំងពីរ សុទ្ធជាបុគ្គលដែលធ្វើការបម្រើឲ្យសិល្បៈរបស់ខ្មែរ ក្នុងនោះលោក ឌៀន សាវរី គឺជាអ្នកដែលបាននាំយកចង្វាក់រាំខ្មែរទៅកាន់កន្លែងដែលនាងរស់នៅ គឺទីក្រុង សាន់ចូស អស់រយៈពេល ២០ឆ្នាំមកហើយ។

តោះ...ឥឡូវស្ដាប់ទាំងអស់គ្នា ឡូយណាស់...!!!

Post by Laura Mam Music.

អត្ថបទ៖ ទារិកា