លោក Scot Pankey ជា​គ្រូ​បង្រៀន​មក​ពី​វិទ្យាល័យ A. Maceo New Tech នៅ​ទីក្រុង Dallas រដ្ឋ​ Texas បាន​ដាក់​កិច្ចការ (Assignment) ពិសេស​មួយ​សម្រាប់​សិស្ស​ផ្នែក​សិល្បៈ​ទាំង ៦ថ្នាក់​របស់​ខ្លួន ដោយ​ឲ្យ​ពួក​គេ​បង្កើត​វីដេអូ​​​បទ​ "Uptown Funk” របស់​តារា​ចម្រៀង Bruno Mars និង Mark Ronson។

ការ​ខិតខំ​ប្រឹងប្រែង​របស់​ពួក​គេ​បាន​លេច​ចេញ​ជា​វីដេអូ​ដ៏​គួរ​ឲ្យ​ចាប់​អារម្មណ៍​ដែល​ទាក់ទាញ​អ្នក​ចូល​ទស្សនា​ជាង ៥លាន​នាក់​បន្ទាប់​ពី​បង្ហោះ​លើ Youtube កាល​ពី​ថ្ងៃ​អាទិត្យ​។

លោក​គ្រូ Pankey បាន​និយាយ​ប្រាប់​សារព័ត៌មាន Dallas Morning News ថា "ខ្ញុំ​បាន​ប្រាប់​សិស្ស​ៗ​ហើយ​ថា​ខ្ញុំ​មិន​មែន​ជា​អ្នក​រាំ​ទេ តែ​ខ្ញុំ​ពេញ​ចិត្ត​នឹង​ចូលរួម​ក្នុង​គម្រោង​នេះ​ជាមួយ​ពួក​គេ ដើម្បី​បាន​សិក្សា​រៀន​សូត្រ និង​បង្កើត​ភាព​រីករាយ​ទាំង​អស់​គ្នា។ ពួក​គេ​បាន​ចំណាយ​ពេល ៣​សប្ដាហ៍​ដើម្បី​ហាត់​រៀន និង​រៀបចំ​ដើម្បី​ថត​វីដេអូ​នេះ"។

បន្ទាប់​ពី​វីដេអូ​នេះ​ត្រូវ​គេ​ចែកចាយ​ព្រោងព្រាត​លើ​អ៊ីនធឺណិត តារា​ចម្រៀង Bruno Mars បាន​​ Share វីដេអូ​នេះ​លើ Facebookដោយ​បង្ហាញ​ចំណាប់អារម្មណ៍​ថា "​​ខ្ញុំ​យំ ពេល​មើល​វីដេអូ​នេះ​ចប់។ អរគុណ​គ្រប់​គ្នា​ដែល​បាន​ចូលរួម​បង្កើត​វីដេអូ​នេះ"។

ចង់​ដឹង​ថា​វីដេអូ​នេះ ពិសេស​យ៉ាង​ណា​នោះ សូម​ទស្សនា​ខាង​ក្រោម​នេះ៖

http://youtu.be/0EUEg7kd6Cg

ទស្សនា​វីដេអូ​ចម្រៀង​ដើម របស់ Mark Ronson និង Bruno Mars៖​

http://youtu.be/OPf0YbXqDm0

ចុច​អាន៖“Uptown Funk!” ​របស់​ Bruno Mars ​ឈរ​​កំពូល​តារា​ Billboard Hot 100​ ពីរ​សប្ដាហ៍​ជាប់​គ្នា