វិធីជ្រើសរើសកន្លែងក្រេបទឹកឃ្មុំដ៏សក្ដិសមបំផុត

2015-01-29 21:39:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលរៀបការរួច គូស្វាមីថ្មីថ្មោងតែងតែធ្វើដំណើរកម្សាន្តទៅកាន់រមណីយដ្ឋានផ្សេងៗដែលគេនិយមហៅថា "ក្រេបទឹកឃ្មុំ"។ ប្រសិនបើមានគម្រោងដូច្នេះមែន អ្នកត្រូវចេះជ្រើសរើសកន្លែងឲ្យបានល្អ។ ខាងក្រោមនេះជាវិធីជ្រើសរើសកន្លែងក្រេបទឹកឃ្មុំដ៏សក្ដិសមបំផុតដែលណែនាំដោយគេហទំព័រ rocknrollbride ៖

១. ថវិកា

ការចំណាយក្លាយជាកត្តាដ៏ធំមួយនៅក្នុងការសម្រេចចិត្តថាត្រូវជ្រើសរើសកន្លែងណាដែលសក្ដិសម។ ប្រសិនបើអ្នកមានប្រាក់មធ្យមគួរជ្រើសរើសកន្លែងក្រេបទឹកឃ្មុំនៅក្នុងស្រុក តែបើលុយច្រើនវិញគួរតែទៅបរទេសដើម្បីផ្លាស់ប្ដូរបរិយាកាស។

២. ពិនិត្យមើលអាកាសធាតុ

រឿងដំបូងដែលត្រូវគិតនោះគឺអាកាសធាតុ តើថាអ្នកពេញចិត្តនឹងអាកាសធាតុបែបណា ក្ដៅត្រជាក់ សើម ឬស្ងួត? វិធីបែបនេះនឹងធ្វើឲ្យដំណើរក្រេបទឹកឃ្មុំរបស់ផ្អែមល្ហែមជាក់ជាមិនខាន។

៣. កន្លែងស្នាក់នៅ

សណ្ឋាគារគឺជាកន្លែងដ៏ល្អមែនទែនប៉ុន្តែពួកវាអាចនឹងមានតម្លៃថ្លៃ។ ដូចនេះប្រសិនបើអ្នកមានគម្រោងថាទៅក្រេបទឹកឃ្មុំនៅក្រៅប្រទេសគួរតែទិញជាកញ្ចប់សេវាកម្មដែលរួមមានទាំងថ្លៃធ្វើដំណើរ កន្លែងស្នាក់នៅ និងអាហារជាដើម។

៤. បន្ទប់គេង

នៅពេលកក់សណ្ឋាគារត្រូវប្រាប់គេថាអ្នកទៅក្រេបទឹកឃ្មុំ បើប្រាប់គេបែបនេះគេនឹងរៀបចំបន្ទប់ ឲ្យមានភាពប្លែកពីធម្មតា និងរៀបចំអាហារពេលយប់ដ៏រ៉ូមែនទិកដើម្បីធ្វើឲ្យការក្របទឹកឃ្មុំនារាត្រីនោះកាន់តែផ្អែមល្ហែម មិនអាចបំភ្លេចបាន។

៥. កំណត់គោលដៅដើរកម្សាន្ត

ពេលអ្នកទៅក្រៅប្រទេសគួរកំណត់គោលដៅដើរកម្សាន្តឲ្យរួចស្រេច ធ្វើដូចនេះវាមិនពិបាកជ្រើសរើសកន្លែងសម្រាប់ដើរលេង។

ចុចអាន៖ប្រើហេតុផល ៧យ៉ាងនេះដើម្បីរៀបការ អាចមានវិប្បដិសារីទៅអនាគត

ប្រែសម្រួល៖ទ្រី រ៉ាវី ប្រភព៖rocknrollbride