ខួបកូនសោះ ច័ន្ទ សុធារ័ត្ន អញ្ជើញសុទ្ធតែតារាល្បីៗ

2015-02-04 16:36:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ដើមសប្ដាហ៍នេះ អតីតតារាសម្ដែង អ្នកនាង ច័ន្ទ សុធារ័ត្ន បានធ្វើខួបកំណើតគម្រប់ ១ ឆ្នាំ កូនស្រីរបស់ខ្លួន ហើយនាងបានអញ្ជើញសុទ្ធតែតារាល្បីចូលរួមនៅMango Mango ក្បែរស្ថានទូត រុស្សី។

តារាទាំងនោះ រួមមាន លោក ទេព រិនដារ៉ូ លោក លឹម រដ្ឋា អ្នកនាង ខៀវ សុរ៉ាវី កញ្ញា ឌួង ហ្សូរីដា កញ្ញា ឌួង ហ្សូរីម៉ា កញ្ញា ម៉ាក សែនសូនីតា អ្នកនាង ឈិត សុជាតា កញ្ញា ញឹម ចន្ទថន កញ្ញា ឌុច លីដា និង តារាល្បីៗជាច្រើនទៀត។

គ្រងឈុតរ៉ូបវែងពណ៌ស្វាយទឹកមុខញញឹមស្រស់ស្រាយ និង សំដីមួយៗ សុធារ័ត្ន បានប្រាប់ Sabay ថា នាងមិនភ្លេចឡើយមិត្តភ័ក្ដិដែលធ្លាប់កម្សត់កម្រជាមួយគ្នា ជាពិសេសនោះ អ្នកសិល្បៈ ត្បិតអី នាងមានថ្ងៃនេះក៏ព្រោះតែសិល្បៈទាំងអស់។ សុធារ័ត្ន ប្រាប់ថា កម្មវិធីខួបនេះ មានអ្នកសិល្បៈចូលរួមប្រហែលជា ៣០ ទៅ ៤០ នាក់ ហើយអ្នកទាំងនោះសុទ្ធតែជាមិត្តភ័ក្ដិស្និទ្ធ ដែលតែងតែមានកម្មវិធីអ្វី អញ្ជើញគ្នាទៅវិញទៅមក។

ចន្ទ័ សុធារ័ត្ន ជាតារាស្រីម្នាក់ ដែលមានសំណាងខ្លាំង បន្ទាប់ពីមានស្វាមីជាអ្នកជំនួញធំមក។ នាងត្រូវបាន ស្វាមី ផ្ដល់ដើមទុនរាប់លានដុល្លាររកស៊ី ដោយបច្ចុប្បន្ននាងមានហាងចំនួន ៣ កន្លែង ភោជនីយដ្ឋានខ្នាតបែបអន្តរជាតិ ហាងម៉ាស្សា និង ស្ប៉ា ជាដើម។ ប្រភពស្និទ្ធនឹងសុធារ័ត្ន បានខ្សឹបប្រាប់ Sabay ថា សព្វថ្ងៃនេះ សុធារ័ត្ន ពាក់គ្រឿងអលង្ការ សុទ្ធតែគ្រាប់ពេជ្រថ្លៃរាប់ម៉ឺនដុល្លារ រថយន្តជិះ មិនក្រោម ១០ ម៉ឺនដុល្លារឡើយ ហើយថែមទាំងមានអង្គរក្សដើរតាមទៀតផង។

និយាយអំពីគម្រោងយកកូនទីពីរ អ្នកនាង សុធារ័ត្ន និយាយប្រាប់ថា នាងនៅមិនទាន់ចង់បានមួយទៀតនៅឡើយទេ ព្រោះចង់ទុកពោះឲ្យនៅទំនេរ និង ពង្រឹងអាជីវកម្មរបស់ខ្លួនសិន៕