ញាក់សាច់! រកឃើញមេរោគថ្មីបង្កប់ខ្លួនក្នុងកម្មវិធីទូរសព្ទមួយចំនួន

2015-02-04 18:11:02
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងរបាយការណ៍ថ្មីមួយពីក្រុមហ៊ុនការពារសុវត្ថិភាពលើប្រព័ន្ធប្រតិបត្តិការ OS ឈ្មោះថា Avast បានប្រកាសកាលពីថ្ងៃម្សិលមិញថា ខ្លួនបានរកឃើញនូវទម្រង់មេរោគថ្មី (Adware) មួយនៅលើ Google Play store។

មេរោគប្រភេទថ្មីនេះគឺត្រូវបានជ្រាបចូលទៅក្នុងកម្មវិធីជាច្រើននៅលើ Google Play Store។ ក្នុងនោះដែរ Avast បានបង្ហាញឈ្មោះកម្មវិធី និងហ្គេមមួយចំនួនដែលបានផ្ទុកនូវមេរោគប្រភេទថ្មីនេះដែលមានដូចជា Durak ,IQ test និង History app ដែលកម្មវិធីទាំងនេះគឺត្រូវបានធ្វើការទាញយកទៅប្រើប្រាស់ពី ៥ ទៅ ១០ លានដោនឡូតឯណោះ។ នេះបើតាមទិន្នន័យនៅលើ Google Play។

មេរោគថ្មីនេះបានវាយលុកទៅលើទូរសព្ទ Smartphone ដោយការបង្ហាញសារក្លែងក្លាយទៅដល់អ្នកប្រើប្រាស់នៅពេល Unlock ដើម្បីអោយអ្នកប្រើប្រាស់ចុចចូលដំណើរការ ទៅកាន់គេហទំព័រ និងអោយធ្វើការទាញយកនូវកម្មវិធី ពីប្រភពផ្សេងៗជាច្រើនទៀត។ មិនត្រឹមតែប៉ុណ្ណោះ វានៅតែបន្តបង្ហាញសាររហូតទាល់តែ Reboot ម៉ាស៊ីនទូរសព្ទទើបលែងបង្ហាញខ្លួន។

សូមទស្សនាវីដេអូខាងក្រោម៖

http://youtu.be/UkRAu2xcuTU

អ្នកស្រាវជ្រាវរបស់ Avast លោក Filip Chytry បានពន្យល់ពីមេរោគប្រភេទថ្មីនេះថា ដំបូងគឺមានការ Comment ជាច្រើនទៅលើទំព័រពិភាក្សារបស់គេហទំព័ររបស់ Avast។ ហើយលោកមិនសូវជាចាប់អារម្មណ៍ប៉ុន្មាននោះទេ ប៉ុន្តែនៅពេលដែលលោកបានពិនិត្យកាន់តែច្បាស់បានដឹងថា មេរោគនេះគឺរាលដាលទៅដល់កម្មវិធីមួយចំនួនធំទៅហើយ។ កម្មវិធីទាំងនោះគឺមាននៅក្នុងប្រទេសនិយាយភាសាអង់គ្លេស និងភាសាដទៃផ្សេងទៀត ហើយកម្មវិធីដែលមានផ្ទុកមេរោគទាំងនោះគឺត្រូវបានដោនឡូតពីអ្នកប្រើប្រាស់រាប់លាននាក់។