ផលប៉ះពាល់នៃវិទ្យុសកម្ម មិនអាចមើលរំលង ការពារដោយរបៀបណា?

2015-02-02 16:00:47
ចំនួនមតិ 0 | ចំនួនចែករំលែក 0

ចន្លោះមិនឃើញ

បច្ចេកវិទ្យាបានរីកចម្រើនឥតឈប់ឈរពីមួយថ្ងៃទៅមួយថ្ងៃ ដោយបានបង្កើតជាឧបករណ៍សម្រាប់បម្រើផលប្រយោជន៍ដ៏សម្បូរបែប។ ថ្វីត្បិតតែវាបានសម្រួលដល់ការងារយ៉ាងច្រើន និងមានភាពរហ័សក៏ពិតមែន តែវាក៏បានផ្ដល់នូវផល់ប៉ះពាល់ដល់សុខភាពរបស់មនុស្ស ជាពិសេសសារធាតុវិទ្យុសកម្ម។ តែទោះបីជាយ៉ាងណាយើងមិនអាចចាកឆ្ងាយពីឧបករណ៍ទាំងនោះដែរ ដូច្នេះមានតែរកវិធីការពារតែប៉ុណ្ណោះ។ ដើម្បីជាចំណេះដឹងខ្លះៗ ក្នុងទំព័រនេះ Sabay នឹងលើកយកនូវគន្លឹះការពារមួយចំនួនដើម្បីការពារ និងកាត់បន្ថយពីការប៉ះពាល់នៃវិទ្យុសកម្ម។

@ ជៀសវាងការប្រើឧបករណ៍អេឡិចត្រូនិកដោយដាក់ផ្ទាល់នៅលើភ្លៅ៖ អ្នកប្រើប្រាស់មួយចំនួនតែងតែដាក់កុំព្យូទ័រ Laptop ប្រើនៅលើភ្លៅ តែទង្វើបែបនេះវាអាចធ្វើអោយមានផលប៉ះពាល់ដែលបង្កអោយមានការចុះថយមេជីវិត។

-អានអត្ថបទ៖ ផលអាក្រក់ចំពោះសុខភាពទាំង៦ដោយសារវិទ្យុសកម្ម WiFi និង 4G/LTE

@ អេក្រង់កុំព្យូទ័រ ឬទូរទស្សន៍ក៏ជាមូលហេតុដែលបញ្ចេញនូវសារធាតុវិទ្យុសកម្មដែរ ដូច្នេះគួរជ្រើសរើសប្រភេទអេក្រង់ដែលបញ្ចេញសារធាតុវិទ្យុសកម្មតិចដូចជាប្រភេទ LCD ជាដើម ព្រោះអេក្រង់ប្រភេទនេះបញ្ចេញវិទ្យុសកម្មតិចជាងប្រើភេទ CRT។

@ គួរសម្អាត និងរៀបចំខ្សែភ្លើង ព្រមទាំងប្ដូរកន្លែងខ្សែភ្លើងទាំងនោះអោយឆ្ងាយពីជើង ឬបរិវេណកន្លែងអង្គុយ ព្រោះខណៈពេលដែលអង្គុយប្រើកុំព្យូទ័រវាអាចបញ្ចេញជាតិវិទ្យុសកម្ម ជាពិសេសបើប្រើរយៈពេលយូរ។

@ ជៀសវាងការប្រើទួរសព្ទនៅក្នុងជណ្ដើរយន្ត ឡាន រថភ្លើង និងយន្តហោះ ព្រោះទូរសព្ទបញ្ចេញវិទ្យុសកម្មខ្លាំងនៅពេលដែលវាស្ថិតនៅក្នុងកន្លែងដែលហ៊ុមព័ទ្ធដោយលោហៈ។

@ ជៀសវាងការសាកថ្មឧបករណ៍អេឡិចត្រូនិក ជាពិសេសគឺទូរសព្ទ និងទុកវានៅក្បែរខ្លួនអំឡុងពេលដេក។ គួរតែបិទវា ឬក៏ដំណើរការ Airplane mode។

@ កាត់បន្ថយនូវការប្រើប្រើសឧបករណ៍ដែលប្រើប្រព័ន្ធ Wireless ដូចជាម៉ាស៊ីនព្រីន Mouse, Keyboard, Speaker និងកាសជាដើម។ គួរប្រើឧបករណ៍ដោយប្រើខ្សែជំនួសវិញ និងបិទនូវមុខងារមួយចំនួនដូចជា Bluetooth និង Wi-Fi នៅលើកុំព្យូទ័រប្រសិនបើមិនត្រូវការជាចាំបាច់ប្រើទេ។

@ ដាក់កូនផ្កានៅក្នុងការិយាល័យ ឬក្នុងផ្ទះដើម្បីកាត់បន្ថយចំហាយវិទ្យុសកម្ម ព្រោះរុក្ខជាតិទាំងនេះអាចជួយស្រូបយកនូវជាតិវិទ្យុសកម្មដែលភាយចេញពីកុំព្យូទ័រ និងឧបករណ៍អេឡិចត្រូនិកបាន។

@ រក្សានូវរយៈចម្ងាយពីឧបករណ៍អេឡិចត្រូនិកដូចជាអង្គុយអោយឆ្ងាយពីអេក្រង់កុំព្យូទ័រ ឬក៏ពេលនិយាយទូរសព្ទដោយប្រើកាស ឬបើកសំឡេង Speaker ជំនួសការនិយាយទូរសព្ទដោយដាក់ផ្ទាល់នឹងត្រចៀក។

@ ប្រសិនបើមានឧបករណ៍ Wi-Fi Router នៅក្នុងផ្ទះវិញ គួរដាក់វាអោយឆ្ងាយតាមតែអាចធ្វើបាន។ ប្រការដែលគួរជៀសវាងបំផុតនោះគឺគួរកុំដាក់វានៅក្បែរបន្ទប់គេ ឬក៏ផ្នែកខាងក្រោយនៃជញ្ជាំងជាប់នឹងបន្ទប់គេង ព្រោះវាអាចធ្វើអោយមានផលប៉ះពាល់ខ្លាំងពីរលកសញ្ញារបស់វា។ លើសពីនេះទៅទៀតនោះ វាបញ្ចេញនូវវិទ្យុសកម្មខ្លាំងបំផុតនៅពេលយប់ ដូច្នេះគួរតែបិទវាចោលនៅពេលយប់។

@ លុបលាងមុខ៖ នៅពេលដែលប្រើកុំព្យូទ័រ មុខរបស់អ្នកគឺស្ថិតនៅជិតអេក្រង់របស់កុំព្យូទ័រជាងគេ ដូច្នេះត្រូវលុបលាងមុខបន្ទាប់ប្រើកុំព្យូទ័ររួច។ វាអាចជួយកាត់បន្ថយសារធាតុវិទ្យុសកម្ម ដែលនៅជាប់នឹងមុខបាន។

@ ហូបអាហារប្រឆាំងអុកស៊ីតកម្ម ព្រោះអាហារទាំងនេះមិនត្រឹមតែជួយអោយយើងមានសុខភាពល្អនោះទេ វាថែមទាំងអាចជួយការពារវិទ្យុសកម្មបានផងដែរ។ អាហារទាំងនោះរួមមានប៉េងប៉ោះ ផ្លែប៉ោម បន្លែខាត់ណា និងការ៉ុតជាដើម។អាហារទាំងនេះផ្ទុកនូវវីតាមីន A និង C គ្រប់គ្រាន់សម្រាប់ប្រឆាំងនឹងសារធាតុអុកស៊ីតកម្ម។

@ ចំពោះឧបករណ៍អេឡិចត្រូនិកស្ថិតនៅក្នុងបន្ទប់គេង យើងប្រើប្រាស់ហើយគួរតែដកឌុយចេញពីព្រីភ្លើងតែម្ដង ព្រោះបើទោះបីជាយើងបានបិទវាក៏ដោយ ក៏វានៅតែបន្តបញ្ចេញនូវសារធាតុវិទ្យុសកម្មដដែល៕

-អានអត្ថបទ៖ CEO វ័យក្មេង៥រូប មិនត្រឹមតែឆ្លាត ថែមទាំងមានសម្រស់ស្អាតមិនធម្មតា

ប្រែសម្រួល៖ សំនៀង ប្រភព៖ electrosmogprevention, electricsense, emfsolutions