សៀមរាប, ថ្ងៃទី៥ ខែតុលា ឆ្នាំ២០២៥ – កម្មវិធី JCI Cambodia Leadership Academy លើកទី១០ បានបញ្ចប់ដោយជោគជ័យបន្ទាប់ពីកម្មវិធីបណ្តុះបណ្តាលរយៈពេល ៤ថ្ងៃ ៣យប់ (ពីថ្ងៃទី២ ដល់ថ្ងៃទី៥ តុលា) នៅ Rose Apple Square ខេត្តសៀមរាប។

កម្មវិធីនេះមានមូលបទថា “Let’s Grow Together” និងស្លោកថា Grow Yourself. Grow Others. Grow JCI. មានអ្នកចូលរួមចំនួនជាង ៨០នាក់ ពីសាខាទាំង ៧ នៃ JCI Cambodia និងភ្ញៀវអន្តរជាតិ បានមកសិក្សា អនុវត្ត និងទទួលបទពិសោធន៍ភាពដឹកនាំជាក់ស្តែង។

កម្មវិធីប្រវត្តិសាស្ត្រនេះ ត្រូវបានធ្វើឡើងដោយមានការឧបត្ថម្ភស្នូលពី Urban Living Solutions (ULS) ជា អ្នកឧបត្ថម្ភធំ និងដោយ Rose Apple Square ជា ដៃគូទីតាំង ។ ការប្ដេជ្ញាចិត្តរបស់ ULS ក្នុងការអភិវឌ្ឍភាពជាអ្នកដឹកនាំយុវជន រួមជាមួយបរិយាកាសសហការរបស់ Rose Apple Square បានបង្កើតភាពជោគជ័យ និងក្តីស្រឡាញ់ក្នុងការរៀន និងធ្វើការជាក្រុម។

អ្វីដែលពិសេសក្នុងកម្មវិធី

• វគ្គបណ្តុះបណ្តាលជាក់ស្តែងអំពី ភាពដឹកនាំដោយខ្លួនឯង បញ្ញាផ្លូវអារម្មណ៍ ការនិយាយជាសាធារណៈ ភាពដឹកនាំបែបរួមបញ្ចូល ការគ្រប់គ្រង់ជម្លោះ ការអភិវឌ្ឍសមាជិក និងស្ថិរភាពហិរញ្ញវត្ថុ។

• កិច្ចពិភាក្សា “JC Legends: Legacy in Leadership” ដែលមានអតីតប្រធានថ្នាក់ជាតិ ៤ រូបជាវាគ្មិនី ចូលរួមចែករំលែកបទពិសោធន៍ និងមេរៀនដឹកនាំដ៏មានតម្លៃ។

• សកម្មភាព Project Simulation និង Team Pitching ដែលជាការអនុវត្តពិតបង្កើតគម្រោង អាចអនុវត្តបានសម្រាប់អង្គការ ហើយមានពានរង្វាន់ប្រគល់នៅពេលបិទកម្មវិធី។

• Mentorship និង Micro-Coaching ដែលបង្កើនទំនាក់ទំនងរវាងសាខា និងជំរុញការរៀនពីគ្នាទៅវិញទៅមក។

• សកម្មភាព Creative Photo, Video Challenge និងសកម្មភាពខាងក្រៅ ដែលលើកតម្កើង ភាពសហការរបស់ក្រុម និងការរីកចម្រើនផ្ទាល់ខ្លួន។

លោក ជា សុខហ៊ី ប៊ីល អនុប្រធានថ្នាក់ជាតិ នៃ JCI Cambodia បាននិយាយថា “ពេលមើលឃើញអ្នកទាំងអស់ចូលរួមសកម្ម គាំទ្រគ្នាទៅវិញទៅមក ហើយបម្លែងអ្វីដែលរៀនទៅជាការអនុវត្ត បានបណ្ដាលឲ្យខ្ញុំមានការចាប់អារម្មណ៍យ៉ាងជ្រាលជ្រៅ” ។ “កម្មវិធីនេះបានបង្ហាញថា ពេលយើងលូតលាស់ជាមួយគ្នា យើងអាចបង្កើតឥទ្ធិពលកាន់តែធំសម្រាប់អង្គការ សហគមន៍ និងអនាគតរបស់ ប្រទេសកម្ពុជា។ យើងសូមថ្លែងអំណរគុណយ៉ាងជ្រាលជ្រៅដល់ Urban Living Solutions និង Rose Apple Square ដែលបានសីហការជាមួយយើងក្នុងការបង្កើតបទពិសោធន៍ដ៏អស្ចារ្យនេះ។”

ដៃគូ និងអ្នកចូលរួម

JCI Cambodia សូមថ្លែងអំណរគុណដល់ ដៃគូ គ្រូបង្រៀន អ្នកនិយាយ អ្នកណែនាំ អ្នកស្ម័គ្រចិត្តនិងអ្នកឧបត្ថម្ភទាំងអស់ដែលបានចូលរួមចំណែកក្នុងអាគាដើមីលើកទី១០។ ការអបអរសាទរពិសេសសម្រាប់៖

• Urban Living Solutions (ULS) – អ្នកឧបត្ថម្ភធំ

• Rose Apple Square (Siem Reap House, Commune, និង Velea) - ដៃគូទីតាំង

ក៏ដូចជាការសូមថ្លែងអំណរគុណដល់មេដឹកនាំសាខា អតីតប្រធានជាតិ និងសមាជិក JCI ដែលបានចែករំលែកពេលវេលា និងបទពិសោធន៍ដើម្បីធ្វើឲ្យកម្មវិធីនេះកាន់តែមានអត្ថន័យ។

ទៅមុខទៀត

អ្នកបញ្ចប់កម្មវិធីនេះចេញទៅដោយ ភាពជាក់ស្ដែង គម្រោងអនុវត្ត ដៃគូ និងមិត្តរួមក្រុម ដែលនឹងជំរុញឲ្យបន្តអភិវឌ្ឍខ្លួន។ JCI Cambodia នឹងបន្តគាំទ្រជាបន្តបន្ទាប់តាមរយៈការតាមដាន ការចុះពិនិត្យ និងបង្កើតប្រព័ន្ធ័ចែករំលែកគម្រោង ដើម្បីធានាចាំគំនិតទាំងនេះក្លាយជាការអនុវត្តសកម្មក្នុងសហគមន៍។

អំពី JCI Cambodia

JCI Cambodia ជាផ្នែកមួយនៃ Junior Chamber International (JCI) ដែលជាបណ្តាញយុវជន ដើម្បីបង្កើតការផ្លាស់ប្ដូរដោយវិជ្ជមាន។ JCI Cambodia មានបស់កកម្មក្នុងការ៉េបណ្តុះបណ្តាលយុវជនឲ្យក្លាយជាមេដឹកនាំ ដោយអភិវឌ្ឍជំនាញ បង្កើតបណ្តាញ និងគម្រោងដែលមានផលប៉ះពាល់ជាស្ថាពរ។

ព័ត៌មានទំនាក់ទំនងសារព័ត៌មាន

លោក ជា សុខហ៊ី ប៊ីល

អនុប្រធាន ថ្នាក់ជាតិ ៃន JCI Cambodia Leadership Academy លើកទី១០

ទូរស័ព្ទៈ +៨៥៥ ១៥ ៥៦៣ ៥៦៧

Telegram: t.me/billchea

អ៊ីមែលៈ jci.cambodia@gmail.com