ឧបករណ៍បំពាក់ Smartphoneអាចរកឃើញអ្នកផ្ទុកHIV ត្រឹមតែ១៥នាទី

2015-02-06 19:04:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមស្រាវជ្រាវមួយក្រុមមកពីសាកលវិទ្យាល័យកូឡុំប៊ី បានបង្កើតនូវឧបករណ៍មួយដែលអាចភ្ជាប់ជាមួយនឹងទូរសព្ទ Smartphone ហើយអាចធ្វើតេសរកមេរោគអេដស៍ និងស្វាយបានយ៉ាងលឿន។

យោងតាមរបាយការណ៍របស់គេហទំព័រ Science Daily បានអោយដឹងថា ឧបករណ៍មួយនេះគឺមានសមត្ថភាពធ្វើតេសស្វែងរកបានមេរោគ ក្នុងរយៈពេលត្រឹមតែ១៥នាទីតែប៉ុណ្ណោះ ដោយការតេស្ដជាមួយឈាមជួសពីដៃរបស់អ្នក និងប្រើប្រាស់ថាមពលពីទូរសព្ទ Smartphone ។

ឧបករណ៍មួយនេះគឺចំណាយថវិកាប្រហែលជា៣៤ដុល្លារតែប៉ុណ្ណោះក្នុងការបង្កើត ប៉ុន្តែវាមានសមត្ថភាពធ្វើតេសដូចទៅនឹងមន្ទីរពិសោធន៍ ដែលបំពាក់បរិក្ខារមានតម្លៃរាប់ពាន់ដុល្លារដែរ។

លោក Samuel K. Sia ប្រធានស្រាវជ្រាវ និងជាសាស្ត្រាចារ្យរងផ្នែកវិស្វកម្មជីវៈឱសថនៅក្នុងសាកលវិទ្យាល័យ កូឡុំប៊ីបាននិយាយថា ឧបករណ៍បំពាក់ Smartphone នេះគឺជា “មន្ទីរពិសោធន៍ដែលមានគុណភាពពេញលេញ”។

ព្រោះតែឧបករណ៍មួយនេះផ្ដល់ភាពងាយស្រួលប្រើប្រាស់ជាពិសេសនៅក្នុងបណ្ដាប្រទេសក្រីក្រ និងតំបន់ដាច់ស្រយាលដូចជានៅក្នុងប្រទេសអាហ្វ្រិកជាដើម គេសង្ឃឹមថា នឹងអាចសង្គ្រោះជីវិតមនុស្សបានរាប់លាននាក់ពីការចម្លងរោគអេដស៍៕

-អានអត្ថបទ៖ ធ្លាយរូបសំបក Galaxy S6 រាងស្ទើរដូច iPhone 6/6 Plus ទាំងស្រុង

ប្រែសម្រួល៖ សំនៀង ប្រភព៖ time