មើលវិធី Make up បែប Sexy ម្ដងមើល៍ប្លែកប៉ុណ្ណា?

2015-02-07 12:00:52
ចំនួនមតិ 0 | ចំនួនចែករំលែក 0

ចន្លោះមិនឃើញ

បើតាមអ្នកជំនាញខាង Make up កញ្ញា ណាកែវ អាំផា បង្ហើបប្រាប់ Sabay ថា ការ Make up គឺសំខាន់បំផុត លេងពណ៌ត្រង់ភ្នែក បើMake up ត្រឹមតែចូលកម្មវិធីមង្គលការ ឫ ពិធីជប់លៀងផ្សេងៗ គេបែងចែកជា ២ យ៉ាង ផាត់តាមបែបធម្មជាតិ និង ផាត់តាមបែបSexy។

សម្រាប់ការ Make up បែបធម្មជាតិចូលរួមពិធីជប់លៀងផ្សេងៗ Sabay បានបង្ហាញជូនប្រិយមិត្តកាលពីសប្ដាហ៍មុនហើយ។ ប៉ុន្តែសប្ដាហ៍នេះ Sabay ក៏មិនធ្វើឲ្យខុសបំណងដែរ សូមបង្ហាញជូនដល់ប្រិយមិត្តដឹងពីការ Make up បែប Sexy វិញម្ដង តើស្រស់ស្អាតប៉ុណ្ណា?

ណាកែវ ប្រាប់បន្តទៀតថា ការ Make up បែបធម្មជាតិគឺខុសពី Sexy បន្តិចត្រង់ថា បែបធម្មជាតិ លេងពណ៌ត្រង់ភ្នែក និង ម្សៅស្ដើងៗ ស្រាលៗ តែបើបែប Sexy វិញគឺលេងពណ៌ភ្នែកដិត និង ម្សៅក៏ដិតដែរ។

ណាកែវ បញ្ជាក់ចំណុចពិសេសក្នុងការផាត់មុខបែប Sexy ថា ការផាត់មុខមិនប្រាកដថា ទាល់តែផាត់ម្សៅដិតបានហៅថា Sexy ទេសំខាន់ទៅលើទម្រង់មុខផងដែរ។ មួយវិញទៀតបើផាត់ភ្នែកដិតខ្មៅហើយ ត្រូវលេងពណ៌ក្រែមស្ដើង ឫពណ៌ផ្កាឈូកស្រាល បើផាត់ភ្នែករៀងស្រាលៗ គឺត្រូវប្រើក្រែមពណ៌ដិតដូចជាពណ៌ក្រហម ឬពណ៌ផ្កាកុលាបដិតធ្វើបែបនេះ គឺធ្វើឲ្យមិនសូវសាំ និង ប្លែកស្រស់ស្អាត។

ដូច្នេះកុំឲ្យខាតពេលយូរសូមមើលពីពិធីផាត់មុខបែប Sexy ចូលរួមពិធី ពិធីមង្គលការ និង ជប់លៀងផ្សេងៗ៖