ភាពយន្ត "The SpongeBob” តែ៣ថ្ងៃរកបាន ៨៣លានដុល្លារ

2015-02-09 18:38:11
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីខ្សែភាពយន្តកំពូលអ្នកបាញ់ប្រហារ "American Sniper” បានឈរលើចំណាត់ថ្នាក់កំពូល ៣សប្ដាហ៍ជាប់គ្នា សប្ដាហ៍នេះចំណាត់ថ្នាក់កំពូលលើតារាងចំណូលភាពយន្តអាមេរិក Box Office បានទៅលើភាពយន្តតុក្កតាចេញថ្មីរឿង “The SpongeBob Movie: Sponge Out of Water”។

ក្នុងរយៈពេល ៣ថ្ងៃនាចុងសប្ដាហ៍មុន ភាពយន្ត “The SpongeBob” អាចរកចំណូលបាន ៥៦លានដុល្លារ ពីការបញ្ចាំងនៅអាមេរិក និងកាណាដា។ សម្រាប់ការបញ្ចាំងនៅប្រទេសផ្សេងៗ ភាពយន្តនេះអាចរកចំណូលបាន ២៧លានដុល្លារ។ សរុបមកសប្ដាហ៍ទីមួយនេះ "The SpongeBob” រកចំណូលបានជិត ៨៣លានដុល្លារ ខណៈដើមទុនផលិតអស់ជាង ៧៤លានដុល្លារ។

“SpongeBob” ដែលបានចេញវគ្គមួយកាលពីឆ្នាំ២០០៤ បរិយាយពីតុក្កតាអេប៉ុងពណ៌លឿង និងមិត្តភ័ក្ដិរបស់គេដែលបានធ្វើដំណើរឆ្លងកាត់មហាសមុទ្រដើម្បីស្វែងរករូបមន្តពិសេសដែលក្រុមចោរសមុទ្របានលួចទៅបាត់។

ចំណាត់ថ្នាក់បន្តបន្ទាប់នាសប្ដាហ៍នេះបានទៅលើខ្សែភាពយន្ត "American Sniper” , “Jupiter Ascending”, “Seventh Son” និង "Paddington”។

ទស្សនាចំណាត់ថ្នាក់កំពូលទាំង ១០លើតារាង Box Office អាមេរិកសប្ដាហ៍នេះ (ចំណូលចុងសប្ដាហ៍គិតចាប់ពីថ្ងៃទី៦ ដល់ថ្ងៃទី៨ ខែកុម្ភៈ) ៖

ចំ.	ចំណងជើងភាពយន្ត	ចំណូលចុងសប្ដាហ៍	ចំណូលសរុប	សប្ដាហ៍ទី
១	The SpongeBob Movie: Sponge Out of Water	៥៦លានដុល្លារ	៥៦លានដុល្លារ	១
២	American Sniper	២៤,១លានដុល្លារ	២៨២,២លានដុល្លារ	៧
៣	Jupiter Ascending	១៩លានដុល្លារ	១៩លានដុល្លារ	១
៤	Seventh Son	៧,១លានដុល្លារ	៧,១លានដុល្លារ	១
៥	Paddington	៥,៣៦លានដុល្លារ	៥៧,២លានដុល្លារ	៤
៦	Project Almanac	៥,៣៣លានដុល្លារ	១៥,៧លានដុល្លារ	២
៧	The Imitation Game	៤,៨៨លានដុល្លារ	៧៤,៧លានដុល្លារ	១១
៨	The Wedding Ringer	៤,៨០លានដុល្លារ	៥៥,១លានដុល្លារ	៤
៩	Black or White	៤,៥លានដុល្លារ	១៣,១លានដុល្លារ	២
១០	The Boy Next Door	៤,១លានដុល្លារ	៣០,៨លានដុល្លារ	៣