ក្រុមហ៊ុនមួយនៅចិន ផ្ដល់កាដូឆ្នាំថ្មីឲ្យបុគ្គលិកគេងជាមួយតារាសិចជប៉ុន

2015-02-09 21:32:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាធម្មតា ពេលចូលឆ្នាំថ្មីប្រពៃណីជនជាតិចិន ក្រុមហ៊ុននានាតែងផ្ដល់ប្រាក់រង្វាន់លើកទឹកចិត្ត ឬសម្ភារៈប្រើប្រាស់ផ្សេងៗ និងអាចមានគម្រោងជាដំណើរកម្សាន្តទៅតំបន់ទេសចរណ៍នានាជាដើម។ យ៉ាងណាមិញ ក្រុមហ៊ុនបច្ចេកវិទ្យាមួយនៅក្រុងប៉េកាំង បែរជាផ្ដល់កាដូពិសេសមិនអាចបំភ្លេចបានសម្រាប់បុគ្គលិកឆ្នើមរបស់ខ្លួន ដោយអាចមានសំណាងចំណាយពេលមួយយប់គេងជាមួយតារាក្ដៅសាច់ដ៏ល្បីរបស់ជប៉ុន។

ក្រុមហ៊ុន Qihoo360

ព័ត៌មានដ៏រសើបនេះ បានចេញផ្សាយលើគេហទំព័រនានា បន្ទាប់ពីមានការបែកធ្លាយបញ្ជី នៃកាដូពិសេសៗរបស់ក្រុមហ៊ុនបច្ចេកវិទ្យា Qihoo360 សម្រាប់បុគ្គលិកក្នុងដំណាច់ចូលឆ្នាំថ្មីខាងមុខ។ ក្នុងចំណោមរង្វាន់លើកទឹកចិត្ត ដែលមានដូចជារថយន្តសេរីទំនើបៗ ដំណើរកម្សាន្តទៅកាន់តំបន់ទេសចរណ៍ប្រណីតៗ មានរង្វាន់មួយដែលធ្វើឲ្យគេចាប់អារម្មណ៍ខ្លាំងជាងគេ។ រង្វាន់នោះ គឺផ្ដល់ជូនបុគ្គលិកឆ្នើមបំផុត ចំណាយពេលមួយរាត្រីគេងជាមួយតារាសិចរបស់ជប៉ុនឈ្មោះ Julia Kyoka ដែលមានសម្រស់ស្រស់ស្អាត និងល្បីឈ្មោះយ៉ាងខ្លាំងនៅទូទាំងប្រទេសចិន។

គេហទំព័រ Mirror របស់អង់គ្លេសក៏បានចុះផ្សាយ ពីកាដូដ៏ពិសេសរបស់ក្រុមហ៊ុនចែកចាយកម្មវិធីកម្ចាត់មេរោគនៅប្រទេសចិននេះដែរ។ រហូតមកដល់ពេលនេះ ទាំងក្រុមហ៊ុន Qihoo360 ទាំងតារាសិចស្រីវ័យ ២៧ឆ្នាំ នាងJulia Kyoka មិនទាន់ចេញមុខមកបកស្រាយពីរឿងនេះនៅឡើយទេ៕