មាន​ដំណឹង​លេចឮ​មក​ថា តារា​សិចស៊ី Fan Bingbing នឹង​រៀបការ​ជាមួយ Li Chen ដែល​ជាតារា​​សម្ដែង​ក្នុង​រឿង "Empress of China" ជាមួយ​នាង។

បើ​ផ្អែក​​តាម​សារព័ត៌មាន Oriental Daily News ​តារា​ស្រី​ចិន​ដ៏​ស្រស់ស្អាតរូប​នេះ​​​បាន​ជួប​ឪពុកម្ដាយរបស់ Li Chen រួចហើយ ហើយ​នាង​នឹង​ប្រកាស​រឿង​ភ្ជាប់ពាក្យ​តាម​រយៈបណ្ដាញ​សង្គមល្បីឈ្មោះ​ចិន Weibo។

​ផ្ទុយ​នឹ​ង​ការ​លើក​ឡើង​របស់​សារព័ត៌មាន​ខាង​លើ​ Fan Bingbing ដែល​បាន​ចូលរួមក្នុង​កម្មវិធី បើកសម្ពោធ​ហាងលក់​គ្រឿង​សង្ហារឹមមួយ ក្នុង​ទីក្រុងហុងកុង​ថ្មីៗ​កន្លងមក បាន​ច្រានចោល​​​ចចាមអារ៉ាម​នេះ បើទោះបី​នាង​ធ្លាប់​សរសើរ​ Li Chen ថាជា​បុរស​ដ៏​ល្អ​ម្នាក់​ក៏​ដោយ។

តារា​ស្រី​មាន​ដើមកំណើតនៅ​ទីក្រុង Yantai ខេត្ត Shandong និយាយ​ថា "​អ្នក​រាល់​​​​គ្នា​ឃើញ​ខ្ញុំ​អភិវឌ្ឍ​ខ្លួន​ក្លាយជា​តារា​សម្ដែង និង​ធំ​​ធាត់​ជាមួយ​ពួក​គាត់​ (អ្នក​គាំទ្រ) ដូច្នេះ​ហើយ​ទើប​ពួក​គាត់​ចង់​ឱ្យ​ខ្ញុំ​ឆាប់​រៀបការ"។ ​

តារា​សម្ដែង​ស្រី​ ដែល​ពោរពេញ​ដោយ​បទពិសោធន៍ វ័យ​៣៣​ឆ្នាំ​បាន​បន្ត​ថា នាង​នឹង​​មិនលាក់បាំង​​រឿង​រៀបការទេ ហើយ​​នាង​​នឹង​ប្រកាស​ជា​សាធារណៈបាន​ដឹង​​បើ​​​​មាន​ដំណឹង​ល្អ​មែន​នោះ។

ក្រោយ​សម្ដែង​​រឿង "The Empress of China" Bingbing ទទួល​បាន​ការគាំទ្រ​យ៉ាងច្រើនកុះករ​ពី​ទស្សនិកជន ហើយ​នាង​​​បាន​សម្ដែង​ក្ដី​រីករាយ​ចំពោះ​ផ្លែផ្កា​នេះ៕

ម្ល៉ឹង​ផង! ​Fan Bingbing ​​ម្នាក់​​ឯង​ស្លៀក​សំលៀក​បំពាក់​​២៦០​​ឈុត

ប្រែ​សម្រួល៖ អ៊ុំ សុភក្តិ ប្រភព៖ Yahoo