Marco Reus បន្តកុងត្រាជាមួយ Dortmund ដល់ឆ្នាំ២០១៩
- 2015-02-11 15:49:45
- ចំនួនមតិ 0 | ចំនួនចែករំលែក 0
Marco Reus បន្តកុងត្រាជាមួយ Dortmund ដល់ឆ្នាំ២០១៩
ចន្លោះមិនឃើញ
កីឡាករជម្រើសជាតិឥន្ទ្រីដែកអាល្លឺម៉ង់ Marco Reus បានបន្តកិច្ចសន្យារយៈពេលវែងបន្ថែមទៀត ជាមួយនឹងក្លិប Borussia Dortmund រហូតដល់ខែមិថុនា ឆ្នាំ២០១៩។
ខ្សែបម្រើប្រយុទ្ធវ័យ២៥ឆ្នាំ ធ្លាប់ទាក់ទងនឹងការផ្ទេរចេញទៅកាន់ក្លិបជាច្រើនដូចជា Bayern Munich, Real Madrid, Arsenal, Chelsea, Man Utd, Man City និង Liverpool។
នាយកប្រតិបត្តិក្លិប Dortmund លោក Hans-Joachim Watzke បាននិយាយថា៖ «យើងមិនអាចឲ្យពាក្យចចាមអារ៉ាមនៅតែបន្តទេ។ យើងតែងតែឃើញឱកាសល្អ ដែលកីឡាករល្អៗរបស់យើងរីករាយនៅបន្តជាមួយ Dortmund»។
Reus បានផ្ទេរពីក្រុម Borussia Monchengladbach មកកាន់ Dortmund កាលពីឆ្នាំ២០១២ ហើយកិច្ចសន្យាចាស់របស់គេ នៅសល់រយៈពេល២ឆ្នាំទៀត។
តារាឆ្នើមរបស់ Dortmund បាននិយាយថា៖ «ខ្ញុំរីករាយខ្លាំងណាស់ សម្រាប់ការសម្រេចចិត្ត នៅបន្តជាមួយ Borussia Dortmund។ Dortmund គឺជាទឹកដីកំណើតរបស់ខ្ញុំ ហើយ Borussia គឺជាក្លិបរបស់ខ្ញុំ។ ខ្ញុំសង្ឃឹមថានឹងមានភាពជោគជ័យនៅថ្ងៃអនាគតជាមួយនឹងក្រុមយើង និងអ្នកគាំទ្រដ៏អស្ចារ្យរបស់យើង។ ប៉ុន្តែយើងនៅមានរឿងច្រើនទៀតត្រូវធ្វើបន្ត ដូច្នេះខ្ញុំត្រូវតែធ្វើឲ្យបានល្អ»។
Reus ស៊ុតឲ្យក្រុម Dortmund បាន៤គ្រាប់ហើយ ក្នុងការបង្ហាញខ្លួន១០ប្រកួត នៅក្របខ័ណ្ឌ Bundesliga របស់អាល្លឺម៉ង់ នារដូវកាលនេះ៕
ប្រែសម្រួល៖ វិន ជីវ័ន្ត ប្រភព៖ BBC
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
