Taylor Swift ចេញវីដេអូបទថ្មី ស្វាគមន៍ថ្ងៃ Valentine’s

2015-02-14 15:45:55
ចំនួនមតិ 0 | ចំនួនចែករំលែក 0

ចន្លោះមិនឃើញ

មួយយប់មុនថ្ងៃបុណ្យ Valentine’s តារាចម្រៀងអាមេរិក Taylor Swift បានចេញវីដេអូចម្រៀងថ្មីមួយបទ មានចំណងជើងថា “Style”។

វីដេអូចម្រៀងនេះ ចូលរួមសម្ដែងដោយតារាសាច់ដុំ Dominic Sherwood ជាតួអង្គបុរសក្នុងចិត្តរបស់ Taylor Swift។ អ្វីដែលអ្នកគាំទ្ររបស់តារាវ័យ ២៥ឆ្នាំរូបនេះចាប់អារម្មណ៍ដែរនោះ គឺខ្សែករូបយន្តហោះ ដែលអតីតសង្សាររបស់នាង Harry Styles សមាជិកក្រុម One Direction ជាអ្នកទិញជាកាដូឲ្យនាង ត្រូវបានបង្ហាញយ៉ាងពិសេសក្នុងវីដេអូនេះ។

បទចម្រៀងនេះដឹកនាំសម្ដែងដោយលោក Kyle Newman ដែលជាស្វាមីរបស់មិត្តភ័ក្ដិជិតស្និទ្ធ Taylor Swift ឈ្មោះ Jaime King។

“Style” គឺជាវីដេអូចម្រៀងទី៣ ពីអាល់ប៊ុម “1989” របស់ Swift ដែលបានចេញលក់កាលពីថ្ងៃទី២៧ ខែតុលា បន្ទាប់ពីបទ “Shake It Off” និងបទ “Blank Space”។ “1989” គឺជាអាល់ប៊ុមចង្វាក់ Pop ដំបូងរបស់តារាចម្រៀង Country រូបនេះ និងបានជាប់ចំណាត់ថ្នាក់លេខ១ លើតារាង Billboard សរុបចំនួន ១១សប្ដាហ៍៕

http://youtu.be/-CmadmM5cOk

ចុចអាន៖ទស្សនាឈុតសម្ដែងពី Grammy Awards ឆ្នាំនេះ តើពិសេសៗយ៉ាងណាទៅ?

ប្រែសម្រួល៖ វ៉ាន់ថន ប្រភព៖justjared