Nicki Minaj មើលពីក្រោមឃើញលើគោក

2014-09-15 21:30:59
ចំនួនមតិ 0 | ចំនួនចែករំលែក 0

ចន្លោះមិនឃើញ

រយៈពេលតែប៉ុន្មានម៉ោង បន្ទាប់ពីធ្វើឲ្យអ្នកគាំទ្រភ្ញាក់ផ្អើលតាមរយៈការបង្ហាញមុខក្នុងការប្រគំតន្ត្រីទេសចរណ៍របស់តារាចម្រៀង Beyonce កាលពីយប់ថ្ងៃសុក្រ តារាចម្រៀងរ៉េបអាមេរិក Nicki Minaj បានបង្ហាញខ្លួនក្នុងក្លឹបរាត្រី Club 79 នៅទីក្រុងប៉ារីស ក្នុងសំលៀកបំពាក់ឈុតពណ៌បៃតងយ៉ាងសិចស៊ី។

ខុសពីរាល់ដងដែលតារារូបនេះ តែងតែពាក់អាវវាលកចំហដើមទ្រូងផ្នែកខាងលើ ម្ដងនេះ Nicki Minaj បានពាក់អាវជិតកត្រឹមត្រូវ តែនៅតែឆ្លៀតបង្ហាញដើមទ្រូងដ៏សិចស៊ីរបស់នាងពីខាងក្រោមទៅវិញ។ ស្ទីលថ្មីរបស់នាងមួយនេះ បានទទួលការចាប់អារម្មណ៍នៅលើបណ្ដាញសារព័ត៌មានបរទេសជាច្រើន។

និយាយពីការបង្ហាញមុខក្នុងការប្រគំតន្ត្រីរបស់ Beyonce វិញ វត្តមានរបស់ Nicki Minaj បានធ្វើឲ្យទស្សនិកជនជាង ៨ម៉ឺននាក់ស្រែកហ៊ោយ៉ាងខ្លាំង ចំពោះជំនួបដ៏កម្ររវាងកំពូលតារាចម្រៀងទាំងពីររូប។ លើឆាកតន្ត្រីនោះ ម្ចាស់បទ "Super Bass" បានស្លៀកសំលៀកបំពាក់ឈុតចម្រុះពណ៌ដូចជា Beyonce ដែរ នៅពេលសម្ដែងបទ "Flawless" ជាមួយគ្នា។ ក្រោយបញ្ចប់ការប្រគំតន្ត្រីនៅព្រឹកថ្ងៃសៅរ៍ Nicki Minaj បានបង្ហាញអារម្មណ៍តាមរយៈ Instargram របស់ខ្លួនថា "ស្រឡាញ់ថាមពលអ្នកគាំទ្រនៅបារាំងនៅយប់នេះខ្លាំងណាស់។ ខ្ញុំមិនដែលបានឮសម្រែកខ្លាំងបែបនេះទេក្នុងមួយជីវិតនេះ។ អរគុណ"។

ថ្មីៗនេះដែរ Nicki Minaj ទើបតែបានបំបែកកំណត់ត្រាថ្មី ដោយវីដេអូបទ "Annaconda” របស់នាងដែលបានចេញលើ Youtube កាលពីថ្ងៃទី១៩ ខែសីហា កន្លងទៅ អាចទទួលបានការចូលទស្សនាចំនួន ១៩,៦លានដង ក្នុងរយៈពេល២៤ម៉ោងដំបូង៕