បច្ចុប្បន្ន ​មនុស្ស​ភាគច្រើន​បាន​ចាប់អារម្មណ៍​តែ​ខាង​ស្រី​ស្អាត និង​ប្រុស​សង្ហា​ៗ​តែ​ប៉ុណ្ណោះ។  ប៉ុន្តែ​បើ​ងាក​មក​មើល​​ភេទ​ទី​៣ (ក្រុម​ស្រី​ស្រស់) ​វិញ​ក៏​មាន​សម្រស់​មិន​ចាញ់​នារី​​ពិត ឬ​ខ្លះ​អាច​នឹង​ស្អាត​ជាង​​ក៏​ថា​បាន។ តួយ៉ាង​ដូច​រូប​ខាងក្រោម​នេះ​អីចឹង​ដែល​គេហទំព័រ top10edges បាន​ចាត់​​ជា​កំពូល​ភេទ​ទីបី​ដែល​ស្រស់​ស្អាត​បំផុត​នៅ​ក្នុង​តំបន់​អាស៊ី៖

១០.នាង  Bell Nuntita

នាង  Bell Nuntita មាន​អាយុ​៣០​ឆ្នាំ តែ​ឈ្មោះ Bell  ទេ​ជា​អ្នក​ធ្វើឲ្យ​នាង​មាន​មុខ​មាត់​ក្នុង​ពិភព​សិល្បៈ​ថៃ។  Bell បាន​ក្លាយ​ជា​តារា​ចម្រៀង​តាមរយៈ​កម្មវិធី  Thailand’s Got Talent កាលពី​ឆ្នាំ​២០១១ ដោយ​នាង​មាន​ទេពកោសល្យ​ច្រៀង​បាន​ទាំង​សំឡេង​ស្ត្រី និង​ប្រុស បូក​រួម​ទាំង​រូប​សម្រស់​ស្រស់​ស្អាត​ធ្វើឲ្យ​ក្រុមហ៊ុន Sony BMG បាន​ចុះហត្ថលេខា​លើ​កិច្ចសន្យា​ជាមួយ​នាងភ្លាម។

៩.នាង Liu Shihan

Liu Shihan ជា​​ភេទ​ទី​បី​ ​មាន​សម្រស់​ស្រស់​ស្អាត​ដូច​ទេពធីតា​របស់​ប្រទេស​ចិន​។ នាង​មាន​អាយុ​២៥​ឆ្នាំ ហើយ​មាន​ស្រុក​កំណើត​នៅ​ខេត្ត ហ៊ូណាន។ នាង​មាន​ជំនាញ​ជា​អ្នក​រាំ​​ឱប​បង្គោល។

៨.នាង Panvilas “Jele” Mongkol

នាង Jele Panvilas មាន​​​គេ​ស្គាល់​ច្រើន​គឺ​តាមរយៈ​ឈ្មោះ Jele  ហើយ​ក៏ជាបេក្ខភាព​បវរកញ្ញា Miss Tiffany’s Universe កាលពី​ឆ្នាំ​២០១២ និង​ជា​តារា​ម៉ូដែល។ នាង​មាន​ភាព​លេចធ្លោ​ខ្លាំង​ក្នុង​ការ​ប្រកួត​បវរ​កញ្ញា Miss Tiffany’s Universe  ម្ដង​ទៀត​ឆ្នាំ​២០១៣​ នៅ​ប៉ាតាយ៉ា ប្រទេស​ថៃ។

៧.នាង  Kayo Satoh

Sato ជា​ភេទ​ទីបី​ដែល​ស្រស់​ស្អាត​​របស់​ជប៉ុន​មាន​អាយុ​២៦​ឆ្នាំ។ បច្ចុប្បន្ន​នេះ​នាង​ជា​តារា​ម៉ូដែល​ទូរទស្សន៍​ដ៏​ល្បីល្បាញ​បំផុត ​និងជា​​តារា​ម៉ូដែល​ផ្ដាច់មុខ​របស់​ទស្សនាវដ្ដី “Spy Girl" ចាប់តាំង​ពី​ឆ្នាំ​២០០៩​មក​ម្ល៉េះ។

៦.នាង Tanyarat “Film” Jirapatpakon

នាង​មាន​ឈ្មោះ​ល្បី​នៅ​លើ Instagram ថា "nongfilmtiffany" គឺជា​អតីត​និស្សិត​ផ្នែក​ជំនួញ​ ហើយ​ក៏​ជា​នារី​បម្រើ​លើ​យន្តហោះ PC Air ដែល​ជា​ក្រុមហ៊ុន​អាកាសចរណ៍​របស់​ថៃ។ នាង​បាន​ឈ្នះ​ពាន Miss International Queen កាលពី​ឆ្នាំ​២០០៧ ហើយ​ជា​ពេល​ដែល​ក្រុមហ៊ុន​អាកាសចរណ៍​នោះ​ត្រូវ​បិទ​ផង​ដែរ រួច​នាង​ក៏​បើក​អាជីវកម្ម​ផ្ទាល់​ខ្លួន។

៥.នាង Alicia Liu

Alicia ក៏​ជា​​ភេទ​ទី​បី​មកពី​ប្រទេស​ចិន​ដែរ និង​មាន​អាយុ​២៨​ឆ្នាំ។ កាល​ពី​មិន​ទាន់​តែង​ខ្លួន​ជា​ស្រី​ ភេទ​ទី​បី​រូប​នេះ​មាន​​ឈ្មោះ​ Liu Xun'ai ។ Alicia បាន​សម្រេចចិត្ត​វះកាត់​ប្ដូរ​ភេទ​នៅ​វ័យ​១៨​ឆ្នាំ ហើយ​បន្ទាប់មក​នាង​បាន​ចាប់ផ្ដើម​អាជីព​ក្នុង​ការ​ប្រកួត​តារា​ម៉ូដែល​នៅ​ទូរទស្សន៍​តៃវ៉ាន់ TVBS ។ ឆ្នាំ​២០០៨ នាង​បាន​យល់ព្រម​ចុះ​កិច្ចសន្យា​ជាមួយ​ជា​ទីភ្នាក់ងារ Taiwan EeLin Modeling Agency Ltd និង​បាន​ក្លាយ​ជា​តារា​ម៉ូដែល​ល្បី។

៤.នាង Harisu

Harisu មាន​អាយុ​៣៩​ឆ្នាំ ជា​ភេទ​ទីបី​ដ៏​ស្រស់​ស្អាត​របស់​កូរ៉េ​ខាងត្បូង ​បាន​រៀបការ​រួច​ហើយ ។ ឈ្មោះ​ជា​ក្មេង​ប្រុស​របស់​នាង Lee Kyung-yeop ។ ពី​ឆ្នាំ​១៩៩៧​ដល់​១៩៩៩  Harisu បាន​សិក្សា​នៅ​ជប៉ុន និង​ចាប់​អាជីព​កែ​សម្ផស្ស ហើយ​បាន​វះកាត់​ប្ដូរ​ភេទ​ទីនោះ។

៣.នាង Piyada Inthavong

នាង​មាន​ឈ្មោះ​ពិត​ថា Nong Poy Piyada Inthavong ហើយ​មាន​រហស្សនាម Lingling ជា​តារា​ម៉ូដែល​ឡាវ ​អាយុ​២៣​ឆ្នាំ។ នៅ​វ័យ​​១៩​ឆ្នាំ​ នាង​បាន​វះកាត់​ប្ដូរ​ភេទ​ នៅ​ប្រទេស​ថៃ។ ឆ្នាំ​២០១៤​ នាង​បាន​ឈ្នះ​ពាន Miss International Queen ។

២.អ្នក​ស្រី​ Regine Wu

នាង​ជា​​ភេទ​​ទី​បី​ដែល​មាន​វ័យ​ចំណាស់​ជាងគេ​ គឺ​មាន​អាយុ​៥២​ឆ្នាំ។ ដើមឡើយ​អ្នក​ស្រី​មាន​ឈ្មោះ​ថា Wu Zhongming  ហើយ​បាន​យល់ព្រម​វះកាត់​ប្ដូរ​ពេល​មាន​អាយុ​២២​ឆ្នាំ។ អ្នក​ស្រី​មាន​ទេពកោសល្យ​ក្នុង​ការ​លក់​ផលិតផល​តាម​កញ្ចក់​ទូរទស្សន៍​រហូត​ដល់​បំបែក​កំណត់ត្រា​ការ​លក់​បាន​ច្រើន​បំផុត​ទៀត​ផង។

១. នាង​ Treechada “Poyd” Petcharat

ឈ្មោះ​ពិត​របស់​បវរកញ្ញា​ភេទ​ទីបី​ដ៏​ល្បី  Saknarin Marnyaporn តែ​ឈ្មោះ​ដែល​ធ្វើឲ្យ​នាង​ល្បី​​គឺ  Poyd។ កិត្តិនាម​របស់​នាង​មិន​​គ្រាន់​តែ​ល្បី​នៅ​ថៃ​ប៉ុណ្ណោះ​ទេ គឺ​នៅ​ទូទាំង​អាស៊ី​អាគ្នេយ៍។  Poyd មាន​អាយុ​២៩​ឆ្នាំ បាន​ប្ដូរ​ភេទ​កាលពី​អាយុ​១៧​ឆ្នាំ និង​បាន​ឈ្នះ​ការ​ប្រកួត Miss Tiffany’s Universe និង Miss International Queenin ក្នុង​ឆ្នាំ​២០០៤ ព្រម​ទាំង​​បាន​ចូលរួម​សម្ដែង​ភាពយន្ត​ជាច្រើន​រឿង ​ជា​តួឯក៕

ចុចអាន៖ទេពធីតា​សម្រស់​ក្នុង Instagram ទាំង​១០​ប្រចាំ​ម៉ាឡេស៊ី

ប្រែ​សម្រួល៖ទ្រី រ៉ាវី ប្រភព៖top10edges