ពេលវេលារួមសិចល្អបំផុតទាំង៥សម្រាប់ស្រ្ដី

2014-09-12 19:01:22
ចំនួនមតិ 0 | ចំនួនចែករំលែក 0

ចន្លោះមិនឃើញ

អាចថាប្លែក ប៉ុន្តែវាជាការពិត! ការរួមភេទក៏ទាមទារពេលវេលាល្អ ឬមិនល្អនោះដែរ មិនមែនតាមតែចិត្តចង់នោះទេ។ បើតាមការស្រាវជ្រាវ មានពេលវេលា៥ ដែលល្អបំផុតសម្រាប់ស្រ្ដីក្នុងប្រតិបត្តិការរឿងលើគ្រែជាមួយដៃគូ។ ពេលវេលាទាំង៥នោះមានដូចខាងក្រោម៖ ១. មុនពេលធ្វើបទបង្ហាញ ឬថ្លែងសន្ទរកថា

ការស្រាវជ្រាវបានបង្ហាញថាការរួមភេទអាចជួយកាត់បន្ថយអារម្មណ៍ភ័យតក់ស្លុត បន្ថយសម្ពាធឈាម និងកាត់បន្ថយស្រ្ដេស។ ការសិក្សាក៏បានរកឃើញទៀតថា ស្រ្ដីណាដែលរួមភេទមុនពេលចេញនិយាយសាធារណៈ អាចជួយឲ្យការនិយាយមានភាពរលូន កាត់បន្ថយភាពតានតឹងបានមួយកម្រិត។

២. ពេលព្រឹកព្រលឹម

ពេលព្រឹកជាពេលល្អបំផុតក្នុងការរួមភេទ ដោយសារតែវាជាពេលដែលអ័រម៉ូនសិច (testosterone) និងថាមពល មានកម្រិតខ្ពស់។ ការរួមដំណេកពេលព្រលឹម អាចជួយបង្កើនកម្រិតអុកស៊ីតូស៊ីន ដែលអាចធ្វើឲ្យស្រ្ដី និងដៃគូ មានភាពរវៀសរវៃ និងជួយជំរុញការគិតបានពេញមួយថ្ងៃ។ នេះបើយោងតាមអ្នកជំនាញ Jessica O'Reilly។

៣. នៅពេលអ្នកមានអារម្មណ៍ថាចាញ់អាកាសធាតុ

ការសិក្សាស្រាវជ្រាវមួយបានរកឃើញថា ការរួមសិចអាចជួយជំរុញប្រព័ន្ធភាពស៊ាំ ដែលធ្វើឲ្យលោកអ្នកអាចប្រយុទ្ធប្រឆាំងនឹងអាកាសធាតុបាន។ និយាយឲ្យចំ ការរួមភេទនឹងកាន់តែល្អប្រសើរ ប្រសិនបើអ្នកងាយនឹងប្រឈមជំងឺផ្ដាសាយ។

៤. ថ្ងៃទី១៤នៃវដ្ដរដូវ

ការសិក្សាថ្មីបានបង្ហាញថានៅក្នុង២សប្ដាហ៍នៃវដ្ដរដូវរបស់ស្រ្ដី ភាពរំញោចនៃប្រដាប់ភេទស្រ្ដី កើនឡើងខ្លាំងលើសធម្មតា២០ភាគរយ ដែលមានន័យថាភាពដល់កំពូលនៃតម្រេកក៏ងាយនឹងកើតឡើងនោះដែរ។

៥. ក្រោយពេលហាត់ប្រាណ

សាកលវិទ្យាល័យ Texas បានស្រាវជ្រាវឃើញថា ស្រ្ដីមានភាពអារម្មណ៍ផ្លូវភេទខ្លាំងលើសធម្មតា ក្រោយការជិះកាត់ហាត់ប្រាណ។ មិនត្រឹមតែប៉ុណ្ណោះទេ គេក៏រកឃើញថាចលនាឈាមរត់ទៅកាន់កន្លែងសម្ងាត់របស់ស្រ្ដី មានកម្រិតខ្ពស់ជាងធម្មតាដល់ទៅ១៦៩ភាគរយ៕

ប្រែសម្រួល៖ ទ្រី រ៉ាវី ប្រភព៖ womenshealthmag