CCC 2014 ខេត្តព្រះសីហនុបើកឲ្យចុះឈ្មោះប្រកួតហើយ

2014-09-15 21:33:04
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពី Sabay បានប្រកាសបើកការប្រកួតជ្រើសរើសជើងខ្លាំងប្រចាំឆ្នាំ Cambodia Cyber Championship រដូវកាលថ្មីឆ្នាំ ២០១៤ តាមបណ្តាខេត្តក្រុងនានា ឥឡូវនេះសម្រាប់ខេត្តព្រះសីហនុ CCC 2014 អនុញ្ញាតិឲ្យក្រុមនានាចុះឈ្មោះប្រកួតបានហើយ។

ចាប់ពីម៉ោង ២ រសៀលថ្ងៃនេះ រហូតដល់ថ្ងៃទី ០១ ខែតុលា ឆ្នាំ ២០១៤ កំពូលអ្នកប្រយុទ្ធ Age Of Naga និងកំពូលអ្នកបាញ់កាំភ្លើងដៃត្រង់ AK Online នៅលើទឹកដីខេត្តព្រះសីហនុ អាចបង្កើតក្រុម និងធ្វើការចុះឈ្មោះដើម្បីបញ្ចេញសមត្ថភាពប្រយុទ្ធជាក្រុម និងប្រកួតដណ្ដើមដំណែងជើងខ្លាំងប្រចាំតំបន់ក្នុងព្រឹត្តិការណ៍ CCC 2014។

ដើម្បីចុះឈ្មោះប្រកួតបង្ហាញសមត្ថភាពនៅមុខទស្សនិកជនជាច្រើនបាន កំពូលអ្នកប្រយុទ្ធទាំង ២ សេវាកម្សាន្តតម្រូវឲ្យមានសមាជិកចំនួន ៥ នាក់ក្នុងមួយក្រុម ហើយត្រូវជ្រើសរើសសមាជិកក្រុមណាម្នាក់ធ្វើជាប្រធានក្រុម រួចប្រធានក្រុមនីមួយៗត្រូវធ្វើការចុះឈ្មោះតាមរយៈ Mysabay Account (mysabay.com) ដូចសព្វដង ដោយត្រូវចំណាយ ៤០០ Sabay Coin។

បន្ទាប់ពីចុះឈ្មោះរួចហើយ ប្រធានក្រុមនីមួយៗត្រូវបញ្ជូនការស្នើបង្កើតក្រុមទៅសមាជិករបស់ខ្លួនទាំង៤រូប ដើម្បីបញ្ជាក់ថាពួកគេពិតជាយល់ព្រមចូលរួមប្រកួតមែន។ ការចុះឈ្មោះរបស់ក្រុមអ្នកនឹងទទួលបានជោគជ័យ នៅពេលដែលសមាជិកទាំង ៤ រូបយល់ព្រមទទួលការស្នើបង្កើតក្រុមប្រកួត ហើយនឹងទទួលបាន Sabay Coin ចំនួន ២០០ វិញ តែនឹងបរាជ័យបើសិនជាសមាជិកណាមួយមិនយល់ព្រមទទួលសំណើបង្កើតក្រុមជាមួយអ្នក ហើយមិនមានការបញ្ជូន Sabay Coin ទៅគណនីវិញឡើយ។

CCC (Cambodia Cyber Championship) ជាព្រឹត្តិការណ៍ប្រកួតស្វែងរកជើងខ្លាំងសេវាកម្សាន្តរបស់ក្រុមគ្រួសារ Sabay Leng ប្រចាំខេត្តក្រុង ដើម្បីស្វែងរកជើងខ្លាំងប្រចាំតំបន់មកប្រកួតគ្នាផ្ដាច់ព្រ័ត្រនៅរាជធានីភ្នំពេញ ដើម្បីស្វែងរកជើងខ្លាំងប្រចាំប្រទេស។

ការប្រកួតនេះក៏ជាដំណើរមួយជម្រុះរកជើងខ្លាំងប្រចាំប្រទេស ដើម្បីចេញទៅការប្រកួតលំដាប់អន្តរជាតិនៅពេលខាងមុខផងដែរ។

កុំភ្លេចណា៎ បង្កើតក្រុមហើយចុះឈ្មោះឥឡូវនេះ ព្រោះអ្នកអាចនឹងក្លាយជាក្រុមបម្រុងបើសិនជាចុះឈ្មោះយឺតពេល។

ចំណែកការប្រកួតនៅខេត្តបាត់ដំបងវិញ ក្រុមការងារ CCC 2014 នឹងបើកឲ្យជើងខ្លាំងទាំង ២ សេវាកម្សាន្ត (AK និង Age of Naga) ចុះឈ្មោះប្រកួតចាប់ពីថ្ងៃ ២២ ខែកញ្ញា និងបញ្ចប់ទៅវិញនៅថ្ងៃទី ០៨ ខែតុលា ឆ្នាំ ២០១៤ ខណៈខេត្តសៀមរាបចាប់ផ្ដើមទទួលពាក្យចុះឈ្មោះប្រកួតនៅថ្ងៃទី ២៩ ខែតុលា រហូតដល់ថ្ងៃទី ១៥ ខែតុលា ឆ្នាំ ២០១៤។

អត្ថបទ៖ ភីឆាយ