រឿងក្ដៅសាច់ “Fifty Shades of Grey” បើកឆាកភ្លាមរកបាន ២៤០លានដុល្លារ

2015-02-16 16:48:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពយន្តមនោសញ្ចេតនាស្រើបស្រាល "Fifty Shades of Grey” បានក្លាយជាភាពយន្តជាប់ចំណាត់ថ្នាក់លេខ១ប្រចាំសប្ដាហ៍លើតារាង Box Office អាមេរិក ដោយអាចរកចំណូលបាន ៨១,៧លានដុល្លារ ពីការបញ្ចាំងរយៈពេល ៣ថ្ងៃនៅអាមេរិក និងប្រទេសកាណាដា និង១៥៨លានដុល្លារទៀតពីប្រទេសផ្សេងៗចំនួន ៥៧ប្រទេស។ សរុបមកមួយសប្ដាហ៍ដំបូង ភាពយន្តនេះអាចរកបានជិត ២៤០លានដុល្លារ ខណៈដើមទុនផលិតត្រឹមតែ ៤០លានដុល្លារប៉ុណ្ណោះ។

“Fifty Shades” សម្ដែងដោយ Jamie Dornan ជាតួអ្នកជំនួញដែលមានទ្រព្យស្ដុកស្ដម្ភ និងសម្បូរទៅដោយឧបាយកល និង Dakota Johnson ជានិស្សិតផ្នែកអក្សរសាស្ត្រ ដែលបានកសាងចំណងស្នេហ៍ជាមួយគ្នាតាមរយៈសកម្មភាពផ្លូវភេទដ៏ ស្រើបស្រាល។ ដឹកនាំសម្ដែងដោយលោក Sam Taylor-Johnson ខ្សែភាពយន្ត “Fifty Shades of Grey” បានថតដោយយោងតាមសៀវភៅប្រលោមលោកលក់ដាច់បំផុតមួយនៅឆ្នាំ២០១២ ដែលនិពន្ធដោយ E. L. James ។

ងាកមកចំណាត់ថ្នាក់លេខ២សប្ដាហ៍នេះ គឺបានទៅខ្សែភាពយន្ត "Kingsman: The Secret Service” ដែលសម្ដែងដោយ Samuel L. Jackson និង Colin Firth រៀបរាប់ពីការគំរាមកំហែងនៃការរីកចម្រើននៃបច្ចេកវិទ្យា។ រយៈពេល ៣ថ្ងៃដំបូង ភាពយន្តរកចំណូលបាន ៣៥លានដុល្លារ។ ចំណាត់ថ្នាក់លេខ ៣ គឺភាពយន្តតុក្កតាអេប៉ុង "The SpongeBob Movie: Sponge Out of Water” ដែលជាភាពយន្តលេខ១កាលពីសប្ដាហ៍មុន។

ទស្សនាចំណាត់ថ្នាក់កំពូលទាំង ១០លើតារាង Box Office អាមេរិកសប្ដាហ៍នេះ (ចំណូលចុងសប្ដាហ៍គិតចាប់ពីថ្ងៃទី១៣ ដល់ថ្ងៃទី១៥ ខែកុម្ភៈ)៖

ចំ	ចំណងជើងភាពយន្ត	ចំណូលចុងសប្ដាហ៍	ចំណូលសរុប	សប្ដាហ៍ទី
១	Fifty Shades of Grey	៨១,៦លានដុល្លារ	៨១,៦លានដុល្លារ	១
២	Kingsman: The Secret Service	៣៥,៦លានដុល្លារ	៣៥,៦លានដុល្លារ	១
៣	The SpongeBob Movie: Sponge Out of Water	៣០,៥លានដុល្លារ	៩៣,៦លានដុល្លារ	២
៤	American Sniper	១៦,៤លានដុល្លារ	៣០៤,១លានដុល្លារ	៨
៥	Jupiter Ascending	៩,៤លានដុល្លារ	៣២,៥លានដុល្លារ	២
៦	Seventh Son	៤,១៥លានដុល្លារ	១៣,៤លានដុល្លារ	២
៧	Paddington	៤,១៥លានដុល្លារ	៦២,៣លានដុល្លារ	៥
៨	The Imitation Game	៣,៥លានដុល្លារ	៧៩,៦លានដុល្លារ	១២
៩	The Wedding Ringer	៣,៤លានដុល្លារ	៥៩,៧លានដុល្លារ	៥
១០	Project Almanac	២,៧លានដុល្លារ	១៩,៥លានដុល្លារ	៣