វណ្ណា ស័ក្ដ ត្រៀមចេញ ៣ បទទៀត សង្ឃឹមថា ផ្ទុះទៀតហើយ

2015-02-16 23:48:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្ចាស់បទ "ពេលស្រវឹងទើបដឹងថា នឹកអូនជាងគេ" លោក វណ្ណា ស័ក្ដ ត្រៀមចេញ ៣ បទទៀត ដោយរំពឹងខ្ពស់ពីការគាំទ្រពីទស្សនិកជន។ វណ្ណា ស័ក្ដ តារាចម្រៀងនៅក្នុងផលិតកម្ម M និយាយដូច្នេះ ប្រាប់ Sabay។

ស័ក្ដ បានបញ្ជាក់ថា លោកកំពុងត្រៀមចេញចម្រៀង ៣ បទទៀតហើយ ក្នុងពេលឆាប់ៗខាងមុខ ដែលអាចនឹងផ្ទុះការគាំទ្រច្រើនជាងមុន ព្រោះមានការរៀបចំបានល្អ ទាំងទំនុកច្រៀង និង មេឡូឌី។ វណ្ណា ស័ក្ដ និយាយថា៖ " ខ្ញុំថតហើយ មានអារម្មណ៍ថា ដូចជាល្អជាងបទពីមុនៗ ប៉ុន្តែ យ៉ាងណាចាំមើលសិន ព្រោះក្រែងមានចិត្តមិនដូចគ្នា"។

តារាចម្រៀងរូបនេះអះអាងថា នៅមិនទាន់ហ៊ានអារកាត់យ៉ាងណានោះទេ ហើយមានតែអ្នកគាំទ្រប៉ុណ្ណោះ ដែលអាចវិនិច្ឆ័យបានចំពោះរឿងនេះ។ ជាពិសេស ក្រោយពេលបទទាំងនេះ ត្រូវបានដាក់ឲ្យចរាចរណ៍លើទីផ្សារ។ លោកបន្ថែមថា ចម្រៀងទាំង ៣ បទនោះ មានដូចបទ "សិចស៊ីពេកហើយ", “សង្សារបង្ខំចិត្ត" និង បទ "ស្រឡាញ់អ្នកថ្មី ដែលល្អជាង" ដោយចរាចរលើទីផ្សារក្នុងពេលឆាប់ៗនេះ។

តារាចម្រៀងជាកូនប្រុសបង្កើនរបស់លោកយាយ ណាង បានឲ្យដឹងទៀតថា កន្លងមកធ្លាប់បានចេញចម្រៀងនៅក្នុងផលិតកម្មប្រមាណ៣០បទរួចមក ហើយ។ ចំពោះចម្រៀងដែលមានការពេញនិយមគឺបទ "ពេលស្រវឹងទើបដឹងថានឹកអូន ជាងគេ" និង បទមួយចំនួនទៀតក្នុងអាល់ប៊ុមបន្តបន្ទាប់។

វណ្ណា ស័ក្ដ បញ្ជាក់ថា៖ "សង្ឃឹមថា បងប្អូននៅតែបន្តការគាំទ្របទក្រោយៗនេះទៀត ព្រោះអាចជាលើកទឹកចិត្តមួយដែរ មកកាន់រូបខ្ញុំជាអ្នកសិល្បៈម្នាក់"៕

http://youtu.be/65JXXCZlddU

អានអត្ថបទ៖ ៨ សន្លឹក រំលឹកពីសកម្មភាពរស់រវើករបស់តារាល្បីៗ ក្នុងការប្រគំតន្ត្រី នៃក្ដីស្រឡាញ់

អានអត្ថបទ៖ មុន១៤កុម្ភៈ ឈិន ឡុង មានចិត្តច្រណែន Siwon សមាជិកក្រុម Super Junior

អត្ថបទ៖ សំ ជំនាញ