មុន១៤កុម្ភៈ ឈិន ឡុង មានចិត្តច្រណែន Siwon សមាជិកក្រុម Super Junior

2015-02-16 21:59:49
ចំនួនមតិ 0 | ចំនួនចែករំលែក 0

ចន្លោះមិនឃើញ

មុនទិវានៃសេចក្ដីស្រលាញ់ គឺថ្ងៃទី១២ ខែកុម្ភៈ តារាសម្ដែងជើងចាស់ ឈិន ឡុង បានកើតចិត្តច្រណែននឹង តារាសម្ដែងចម្រៀង Siwon សមាជិកក្រុម Super Junior ខណៈពេលទៅផ្សព្វផ្សាយខ្សែភាពយន្ត "Dragon Blade” ក្នុងទីក្រុងតៃប៉ិ និងតៃវ៉ាន់។

Siwon (ស្ដាំ) និង ឈិន ឡុង

យោងតាមសារព័ត៌មានចិន CFP បានឱ្យដឹងថា មូលហេតុដែលនាំឱ្យ កំពូលតារាក្បាច់គុនកុងហ្វូច្រណែន ដោយសារលោកឃើញ Siwon ទទួលបានការស្វាគមន៍ពីអ្នកគាំទ្រខ្លាំងជាង។

លោក Siwon ជានិមិត្តរូបក្រុមដ៏អស្ចារ្យម្នាក់នៅតៃប៉ិ ហើយអ្នកគាំទ្រជាច្រើន បានបង្ហាញក្ដីស្រលាញ់យ៉ាងជ្រាលជ្រៅរបស់ពួកគេ មកលើតារាចម្រៀង២៨ឆ្នាំផងដែរ។ ដើម្បីឆ្លើយតបនឹងការអបអរ សមាជិកក្រុម Super Junior ខាងលើ ក៏បានសម្ដែងស្វាគមន៍ចំពោះអ្នកគាំទ្រវិញ ដោយប្រើប្រាស់ភាសាចិនយ៉ាងស្ទាត់ជំនាញ។

ប្រភពលើកឡើងថា គ្រប់ពេលដែលអ្នកគាំទ្រ សម្ដែងការស្វាគមន៍ លោក Siwon តែងកាន់ម៉ៃក្រូហ្វូននិយាយ។ ក្នុងឱកាសនោះ ឈិន ឡុង ក៏ថ្លែងថា "នៅទីនេះ...តើអ្នកណា (រវាងលោក និង Siwon) សង្ហាជាង?”។

ក្រោយឮសំណួរយ៉ាងដូច្នេះ បណ្ដាអ្នកគាំទ្របានស្រែកឮៗថា "Siwon" ហើយតារាវ័យ៦០រូបនេះ បាននិយាយទាំងសើចទៀតថា "ខ្ញុំនឹងពិចារណាឡើងវិញ ចំពោះការឱ្យ Siwon សម្ដែងនៅរឿងក្រោយៗរបស់យើង"។

លោកបានពន្យល់ថា លោកពិតជាច្រណែន ពេលដែលអ្នកគាំទ្រលើកគ្នា មកមើលតារាសម្ដែងរួមគ្នា ក្នុងរឿង "Dragon Blade” Siwon យ៉ាងច្រើនកុះករយ៉ាងដូច្នេះ។ ទោះជាយ៉ាងណា នេះគ្រាន់តែជាអារម្មណ៍របស់ ឈិន ឡុង ចង់បង្កើតឱ្យមានបរិយាកាសរីករាយតែប៉ុណ្ណោះ។

ខ្សែភាពយន្ត "Dragon Blade” ដែលសម្ដែងសុទ្ធតែជាតារាល្បីៗរួមទាំងតារាបរទេសផងនោះ នឹងមានចាក់បញ្ចាំងនៅប្រទេសចិន ថ្ងៃទី១៩ កុម្ភៈ ឆ្នាំ២០១៥ខាងមុខ៕