កូនឈិន ឡុង ចេញពីគុក អ្នកកាសែតរបួសលាន់

2015-02-13 19:57:42
ចំនួនមតិ 0 | ចំនួនចែករំលែក 0

ចន្លោះមិនឃើញ

កូនប្រុសតារាក្បាច់គុនកុងហ្វូ ឈិន ឡុង ត្រូវបានតុលាការចិនដោះលែងវិញហើយនៅថ្ងៃសុក្រនេះ បន្ទាប់ជាប់ពន្ធនាគារអស់រយៈពេល៦ខែមក។

គេហទំព័រចិន NetEase ចុះផ្សាយថា កូនប្រុសឈិន ឡុង Jaycee Chan បានរត់ចូលក្នុងរថយន្តភ្លាមៗនៅព្រឹកថ្ងៃសុក្រនេះ ពីមន្ទីរឃុំឃាំងស្រុក Dongcheng ប្រទេសចិន ហើយរថយន្តក៏បន្តក្នុងល្បឿនលឿន និងបើកសារ៉ែនក្រហម ដើម្បីគេចពីអ្នកកាសែត។ ខណៈពេលរថយន្តកំពុងបង្កើនល្បឿន ក៏ស្រាប់តែអ្នកសារព័ត៌មានខ្លះដែលប៉ុនប៉ងស្ទាក់ ត្រូវរថយន្តប៉ះពារ បង្កឱ្យរងរបួសបន្តិចបន្តួច។

Chan ដែលជាតារាសម្ដែង និងចម្រៀង ត្រូវប៉ូលិសចាប់ខ្លួនកាលពីខែសីហា ឆ្នាំ២០១៤ និងចោទប្រកាន់ពីបទផ្ដល់កន្លែងដល់អ្នកប្រើប្រាស់គ្រឿងញៀនផ្សេងទៀត ហើយក្នុងផ្ទះតារាវ័យ៣១ឆ្នាំរូបនេះ ប៉ូលិសរកឃើញគ្រឿងញៀន១០០ក្រាម។

សេចក្ដីថ្លែងការណ៍មួយចេញពីក្រុមហ៊ុនបានឱ្យដឹងថា Chan និងភ្នាក់ងាររបស់លោក M'Stones International នឹងធ្វើសន្និសីទកាសែតផ្លូវការមួយ នៅថ្ងៃសៅរ៍ស្អែក ដើម្បីឱ្យតារារូបនេះ សុំទោស និងពន្យល់រឿងរ៉ាវកើតឡើង ទៅកាន់មហាជន៕