តារាចម្រៀងរ៉េបអាល្លឺម៉ង់ក្លាយជាសកម្មជនក្រុម ISIS

2015-02-17 16:24:21
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងរ៉េបអាល្លឺម៉ង់ម្នាក់បានប្រែក្លាយខ្លួនទៅជាសកម្មជនរដ្ឋឥស្លាមដែលហៅកាត់ថា ISIS។ Denis Cuspert ដែលមានឈ្មោះសិល្បៈថា "Deso Dogg” ថែមទាំងលេចមុខនៅក្នុងវីដេអូកាត់ក្បាលជនរងគ្រោះម្នាក់ដែលជាសត្រូវនឹងពួក ISIS កាលពីឆ្នាំមុនទៀតផង។

តារាចម្រៀងវ័យ ៣៩ ត្រូវបានស្ត្រីម្នាក់ដែលគេអះអាងថា ជាប្រពន្ធរបស់ខ្លួនតាមដាន និងផ្ដល់ព័ត៌មានទៅដល់ភ្នាក់ងារសម្ងាត់អាមេរិក FBI។ មូលហេតុដែលក្រុមឧក្រិដ្ឋជនរដ្ឋឥស្លាមបញ្ចុះបញ្ចូលរូបគេឲ្យចូលក្នុងចង្កោមពួក ISIS ក៏ដោយសារតារារូបនេះមានឥទ្ធិពលអាចបញ្ជ្រាបមនោគមទៅដល់យុវជនវ័យក្មងផ្សេងទៀតក្នុងតំបន់អឺរ៉ុប។

ស្ត្រីជាភរិយាដែលរាយការណ៍ព័ត៌មានទាំងឡាយដែលខ្លួនបានដឹងពីពួក ISIS ទៅដល់ភ្នាក់ងារ FBI បានគេចខ្លួនទៅស៊ីរី ហើយក្រោយមកបន្តទៅអាមេរិកទៀតដើម្បីសុវត្ថិភាពរបស់នាង។

តារាចម្រៀងដែលហៅខ្លួនឯងថា Abu Talha al-Amani ត្រូវបានអាមេរិកចាត់ចូលក្នុងបញ្ជីខ្មៅហើយ មិនតែប៉ុណ្ណោះទ្រព្យសម្បត្តិរបស់គេទាំងប៉ុន្មានគឺត្រូវបង្កកអស់ហើយដែរ៕