ចន ច័ន្ទលក្ខិណា វាយប្រហារចាស់ដៃមកលើកម្មវិធីកំពូលតារាបង្ហាញម៉ូដកម្ពុជា

2015-02-18 22:40:15
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីប្រកួតកំពូលតារាបង្ហាញម៉ូដកម្ពុជា ជាកម្មវិធីលំដាប់ថ្នាក់អន្តរជាតិមួយដែលបានទទួលសិទ្ធិផលិតសម្រាប់ប្រជាជនកម្ពុជាដោយស្ថានីយទូរទស្សន៍ MYTV។ រហូតមកដល់ពេលនេះ គឺជាសប្ដាហ៍ទី១៤ហើយដែលបេក្ខនារីទាំងអស់បានចូលរួមប្រកួតប្រជែងយ៉ាង ស្វិតស្វាញហើយឥឡូវនេះនៅសល់តែបេក្ខនារី៤រូបប៉ុណ្ណោះដែលនៅតែមានសិទ្ធិបន្តការប្រកួតដើម្បីក្លាយជាកំពូលតារាបង្ហាញម៉ូដកម្ពុជាលើកដំបូងបំផុត។

កញ្ញា ដាលីស

ឆ្លងកាត់ការជម្រុះ១៣វគ្គមកហើយហើយកម្មវិធីនេះក៏ទទួលបានការគាំទ្រយ៉ាងច្រើនពីសំណាក់ទស្សនិកជនផងដែរជាពិសេសក្រុមយុវវ័យ។ នៅលើគេហទំព័រហ្វេកប៊ុករបស់កម្មវិធីកំពូលតារាបង្ហាញម៉ូដកម្ពុជាមានអ្នកគាំទ្រជាច្រើនតែងតែជជែកនិងបញ្ចេញយោបល់ផ្សេងៗគ្នាតាមការយល់ឃើញនិងបង្ហាញពីអារម្មណ៍នៃការគាំទ្ររបស់ពួកគាត់ទៅកាន់បេក្ខនារីដែលពួកគាត់គាំទ្រ។ ដោយឡែកអ្នកនាង ចន ច័ន្ទលក្ខិណា ក៏តែងតែបានចូលទៅបញ្ចេញមតិនិងចំណាប់អារម្មណ៍ដែរ ដូចជាការរិះគន់ថាកម្មវិធីធ្វើមិនស្មើភាព អយុត្តិធម៌ឬក៏ថាកម្មវិធីនេះ មានការរៀបចំអ្នកឈ្នះទុកជាមុនជាដើម។ល។ អ្នកនាង ចន ច័ន្ទលក្ខិណា ក៏បានចោទប្រកាន់ផងដែរថាគណៈកម្មការមិនមានភាពសុក្រិតក្នុងការជ្រើសរើសនិងកែច្នៃរូបថតរបស់បេក្ខនារីដោយអ្នកនាងបាននិយាយថាគណៈកម្មការនិងអ្នកគ្រប់គ្រងផ្នែកថតរូបបានជ្រើសរើសនិងកែច្នៃរូបថតរបស់បេក្ខនារីតែមួយរូបឲ្យស្អាតជាងគេគឺបេក្ខនារី គង់ការ។នេះបើយោងទៅលើការបញ្ចេញមតិនិងការបង្ហោះផ្ទាល់ខ្លួនរបស់អ្នកនាងលើបណ្ដាញសង្គមហ្វេសប៊ុក។

កញ្ញា កេសី

ស្របពេលជាមួយគ្នានេះផងដែរអ្នកគាំទ្រជាច្រើនទៀតបានប្រឆាំងនិងមិនយល់ស្របជាមួយគំនិតរបស់អ្នកនាង ចន ច័ន្ទលក្ខិណាទេព្រោះនេះមិនដូចអ្វីដែលពួកគាត់បានមើលឃើញជាក់ស្ដែងនៅក្នុងកម្មវិធី។

ឆ្លើយតបនឹងបញ្ហាខាងលើអ្នកដឹកនាំកម្មវិធីលោក លី អ៊ុងម៉ារឌី បានមានប្រសាសន៍ថា"យើង មិន អាច ហាមឃាត់បុគ្គលណាក្នុងការបញ្ចេញមតិបានទេព្រោះនេះជាការយល់ឃើញផ្សេងៗ គ្នារបស់មនុស្សម្នាក់ៗ។ ដោយឡែកកម្មវិធីកំពូលតារាបង្ហាញម៉ូដគឺត្រូវបានទិញសិទ្ធិស្របច្បាប់ពីបរទេសហើយ MYTV បានចំណាយអស់ប្រាក់ច្រើនសន្ធឹកសន្ធាប់ក្នុងការផលិត"។ គ្រប់ បែបបទ ទាំងអស់នៃកម្មវិធី ត្រូវ បានកំណត់ ដោយភាគី ម្ចាស់ដើមដោយយើងមិនអាចចេះតែ ធ្វើបានតាមចិត្តនោះទេហើយយើងក៏ចង់បានកម្មវិធីមួយដ៏ល្អសម្រាប់ប្រទេសកម្ពុជាដែរ។ នៅក្នុងកម្មវិធីទាំងមូលមានអ្នកជំនាញមកពីច្រើនផ្នែកក្នុងការធ្វើការជាពិសេសគឺក្រុមគណៈកម្មការដែលសុទ្ធសឹងតែជាអ្នកដែលមានជំនាញវិជ្ជាជីវៈពិតប្រាកដដូចជាការថតរូបជាដើមគឺយើងមានលោក ចែមវឌ្ឍសុវិន្ទ ដែលជាអ្នកថតរូបផ្នែកម៉ូដដ៏ជំនាញនិងអ្នកច្នៃម៉ូដកញ្ញា ណាតាស្យាវ៉ាន់ ដែលជាងអ្នកច្នៃម៉ូដដ៏ជំនាញនិងជាអ្នកថតរូបមកពីហុងកុងហើយដែលមានការទទួលស្គាល់ជាលក្ខណៈ អន្តរជាតិផងដែរ ដែលគាត់គឺជាអ្នកគ្រប់គ្រងលើផ្នែកនេះ។

កញ្ញា គង់ការ

រាល់ការជ្រើសរើសរូបថតនីមួយៗពួកគាត់បានធ្វើការយ៉ាងជិតស្និទ្ធជាមួយអ្នកថតរូបប្រចាំវគ្គនីមួយៗដោយផ្អែកទៅលើបទពិសោធន៍ជាច្រើនឆ្នាំរបស់ពួកគាត់ហើយការកែច្នៃរូបគឺអាស្រ័យទៅលើអ្នកថតរូបផ្ទាល់តែម្ដង។ ការជម្រុះបេក្ខនារីទៀតសោតគឺមិនមែនចេះតែធ្វើឲ្យតែបានទេ! ក្រុមគណៈកម្មការពិភាក្សាមិនតិចដងឡើយទម្រាំសម្រេចបានម្ដងៗ។ដូចនេះសម្រាប់ការរិះគន់ខ្លះដែលថាកម្មវិធីគ្មានភាពសុក្រឹតយុត្តិធម៌នោះ គឺអាចមកពីពួកគាត់មិនទាន់យល់ច្បាស់ពីកម្មវិធី ឬក៏អាចឲ្យពួកគាត់គាំទ្រទៅលើតែបេក្ខនារីមួយរូបណាដែលគាត់ចូលចិត្តប៉ុណ្ណោះ។

កញ្ញា សុរិយ៉ាន់

យ៉ាងណាក៏ដោយក៏កម្មវិធីប្រកួតកំពូលតារាបង្ហាញម៉ូដកម្ពុជានៅតែបន្តយ៉ាងស្វិតស្វាញដែលបេក្ខនារី៤រូបចុងក្រោយកំពុងតែខិតខំប្រឹងប្រែងរៀងៗខ្លួនដើម្បីទទួលបានជយលាភី។បេក្ខនារី៤រូបនោះរួមមាន កេសី សុរិយ៉ាន់ គង់ការ និង ដាលីស ដែលសុទ្ធសឹងតែជាអ្នកដែលមានសមត្ថភាព៕ អត្ថបទ៖ ដៃគូសហការ

ពាក្យទាក់ទង

ដៃគូសហការ

អត្ថបទពេញនិយម

តារាខ្មែរល្បីៗប៉ុន្មានរូបនេះ នាំយករថយន្តស៊េរីទំនើបចូលរួមព្រឹត្តិការណ៍ GUMBALL 3000 នៅកម្ពុជា

ផ្លូវជាតិលេខ៥ ស្អាតជិះស្រួលមែន! តែការពិតគឺនៅសល់១កំណាត់ទៀត ទើបរួចរាល់ទាំងស្រុង

រឿងទឹកហូរកាត់ផ្លូវល្បឿនលឿន ក្រសួងសាធារណការបញ្ជាក់បែបនេះ

ជប៉ុន ក៏គ្រោងសង់ស្ពានភ្ជាប់ពីផ្លូវជាតិលេខ១ ទៅអរិយក្សត្រដែរ

រកឃើញផូស៊ីលទី៦៧ នៅស្រុកទឹកឈូ ខេត្តកំពត

Evra សរសើរអង្គរវត្ត និងចូលចិត្តម្ហូបខ្មែរ ហើយអំពាវនាវភ្ញៀវទេសចរទស្សនាកម្ពុជា

អត្ថបទថ្មី

ពេលប្តូរសំបកកង់ម្តងៗ គួរប្តូរចោលទាំងអស់ ឬយ៉ាងណា?

ប្រធានសហព័ន្ធកីឡារាំកម្ពុជា៖ អ្នកដឹកនាំបន្តគឺជាប្អូនៗ ក្មួយៗ នេះហើយដូច្នេះសូមពង្រឹងសមត្ថភាព

កុំឱ្យស្ដាយក្រោយបាត់បង់រូបថតវីដេអូ ពេល iPhone/iPad ខូចឬចោរលួច ២ វិធីនេះសង្គ្រោះបាន

ការពិតពីព័ត៌មានស្នេហា ២០ឆ្នាំមុនរបស់ Rain និង Song Hye Kyo

ធនាគារ ABA បន្ថែមដើមទុន 220 លានដុល្លារ ប្ដេជ្ញារួមចំណែកដល់ការអភិវឌ្ឍសេដ្ឋកិច្ចកម្ពុជា

វាសនាត្រូវក្លាយតារា តែតារា K-Pop ទាំងនេះមាននិស្ស័យនឹងការងារផ្សេង