Yoona ក្រុម Girls' Generation បញ្ចប់ការសិក្សានៅសាកលវិទ្យាល័យ

2015-02-24 22:02:30
ចំនួនមតិ 0 | ចំនួនចែករំលែក 0

ចន្លោះមិនឃើញ

សមាជិក Yoona របស់ក្រុមចម្រៀងកូរ៉េខាងត្បូង Girls' Generation បានបញ្ចប់ការសិក្សានៅសាកលវិទ្យាល័យ Dongguk ហើយ បន្ទាប់ពីសិក្សានៅទីនោះរយៈពេល ៦ឆ្នាំ។

នៅថ្ងៃទី២៤ ខែកុម្ភៈនេះ Yoona បានចូលរួមពិធីចែកសញ្ញាប័ត្រនៅសាកលវិទ្យាល័យ Dongguk ដោយបានបញ្ចប់ការសិក្សាមុខជំនាញមហោស្រព និងភាពយន្ត។ តារាវ័យ ២៤ឆ្នាំរូបនេះបាននិយាយនៅថ្ងៃទទួលសញ្ញាប័ត្រថា "ខ្ញុំសោកស្ដាយដែលមិនបានចំណាយពេលច្រើនជាមួយសិស្សច្បង សិស្សប្អូន និងមិត្តភ័ក្ដិនៅសាលា ប៉ុន្តែខ្ញុំពិតជាសប្បាយចិត្តណាស់ដែលបានចូលរួមពិធីចែកសញ្ញាប័ត្រនៅថ្ងៃនេះ"។

ដោយមានអាកប្បកិរិយាល្អ និងបានកសាងស្នាដៃច្រើនជាមុខមាត់ដល់សាលាកន្លងមក Yoona ក៏ទទួលបានពានរង្វាន់បញ្ជាក់ស្នាដៃមួយដែរ នៅថ្ងៃទទួលសញ្ញាប័ត្រនេះ។

តារារូបនេះបានបន្តថា “ខ្ញុំមានអារម្មណ៍ខ្មាសអៀនបន្តិច តែក៏ត្រេកអរណាស់ដែរ ដែលបានទទួលពានរង្វាន់នេះ។ ខ្ញុំនឹងខិតខំប្រឹងប្រែងបន្តទៀតទៅអនាគត”។

Im Yoona បានចូលរៀននៅសាកលវិទ្យាល័យ Dongguk កាលពីឆ្នាំ២០០៩។ មិត្តរួមក្រុមរបស់នាងម្នាក់ គឺ Seohyun ក៏បានចូលរៀននៅសាកលវិទ្យាល័យនេះដែរ និងបានបញ្ចប់ការសិក្សាកាលពីខែសីហា ឆ្នាំមុន ៕