ពិការភ្នែក១០ឆ្នាំ ចុងក្រោយអាចមើលឃើញមុខប្រពន្ធឡើងវិញ ព្រោះឧបករណ៍អេឡិចត្រូនិក
- 2015-02-26 16:48:35
- ចំនួនមតិ 0 | ចំនួនចែករំលែក 0
ពិការភ្នែក១០ឆ្នាំ ចុងក្រោយអាចមើលឃើញមុខប្រពន្ធឡើងវិញ ព្រោះឧបករណ៍អេឡិចត្រូនិក
ចន្លោះមិនឃើញ
បុរសពិការភ្នែកម្នាក់អាចមើលឃើញមុខប្រពន្ធរបស់ខ្លួនម្តងទៀត ដោយសារឧបករណ៍អេឡិចត្រូនិក Bionic Eye បន្ទាប់ពីរយៈពេល១០ឆ្នាំ ដែលគាត់បានរស់នៅក្នុងពិភពងងឹតសូន្យឈឹង មើលមិនឃើញអ្វីទាំងអស់។
បុរសម្នាក់នេះឈ្មោះ Allen Zderad មានវ័យ ៦៨ឆ្នាំ បានកើតជំងឺភ្នែកម្យ៉ាងរយៈពេល ២០ឆ្នាំ ដែលធ្វើឱ្យភ្នែកចុះខ្សោយកាន់តែខ្លាំងឡើងៗ រហូតឈានដល់ពិការបែបនេះ។ ប៉ុន្តែ វាជារឿងមួយសែនរំភើបហួសថ្លែង ដែលបុរសចំណាស់ម្នាក់នេះអាចមើលឃើញប្រពន្ធគាត់សាជាថ្មី ដោយសារមានឧបករណ៍អេឡិចត្រូនិក Bionic Eye ។
Bionic Eye ត្រូវបានផលិតដោយ Mayo Clinic ដែលជាគ្លីនិកសិក្សាស្រាវជ្រាវមិនស្វែងរកផលចំណេញមួយ មានទីតាំងនៅទីក្រុង Rochester នៃរដ្ឋ Minnesota សហរដ្ឋអាមេរិក។ វាអាចជួយអោយអ្នកបញ្ហាចក្ខុវិញ្ញាណ អាចមើលឃើញសារឡើងវិញបាន។
ក្រោយ Allen Zderad ពាក់ឧបករណ៍ Bionic Eye លោកក៏បានមើលឃើញប្រពន្ធជាទីស្រឡាញ់ ដែលមិនបានឃើញមុខអស់រយៈពេល១០ឆ្នាំ ហើយក៏បានអោបគ្នាយ៉ាងណែន ទាំងស្រក់ទឹកភ្នែករៀងៗខ្លួន ព្រោះតែក្ដីរំភើបពន់ពេក៕ ទស្សនាវីដេអូបង្ហាញពីសេចក្ដីត្រេកអររបស់ប្តីប្រពន្ធនេះទាំងអស់គ្នា៖
អាន៖ Chevrolet ច្នៃដាក់កាំភ្លើងយន្តបាញ់យ៉ាងសាហាវ មិនចាញ់រថក្រោះ
ប្រែសម្រួល៖ ប៉ែត ផាន់និត ប្រភព៖ theguardian
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
