“Rock Angel” ភាពយន្តថៃកំប្លែងសើចចុកពោះ ពីដើមដល់ចប់

2015-02-26 18:25:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែភាពយន្តបែបកំប្លែងថ្មីរបស់ថៃ “Rock Angel” ដែលមានឈុតឆាកកំប្លែងសើចចុកពោះពីដើមដល់ចប់មិនចាញ់រឿង I Fine Thank You Love You នោះ នឹងមានចាក់បញ្ចាំងនៅរោងភាពយន្តផ្លាទីនៀម ផ្សារទំនើបសូរិយាចាប់ពីថ្ងៃស្អែកនេះហើយ។

សាច់រឿងនេះចង់បរិយាយអំពីតួឯកប្រុសឈ្មោះ Tik ដែលព្រោះតែមិនចង់ធ្វើតាមការបញ្ជារបស់ឪពុក ក៏បានបន្លំខ្លួនធ្វើជាបុរសភេទទី៣។ ពេលទៅសាលារៀន មានសិស្សប្រុសៗដទៃទៀតធ្វើបាប Tik ប៉ុន្ដែមានក្រុមភេទទី៣ប៉ុន្មាននាក់ទៀតជួយ ចាប់ពីពេលនោះមកពួកគេទាំង៤នាក់នោះក៏រាប់គ្នាជាមិត្ត។ ប៉ុន្តែដោយសារនៅក្នុងសាលារៀនមានសិស្សជាច្រើន រួមទាំងគ្រូផងដែរនោះ តែងតែធ្វើបាប និងមើលងាយពួកគេពេក ទើបមានថ្ងៃមួយ ពួកគេទាំង៤នាក់នេះបានបង្កើតជាក្រុមតន្ត្រីឈ្មោះថា “Rock Angel” មួយដើម្បីបង្ហាញពីសមត្ថភាពពិតរបស់ពួកគេ។ មិនយូរប៉ុន្មាន Tik បានលង់ស្រលាញ់ស្រីម្នាក់ដែលត្រូវជាប្អូនស្រីភ្លោះរបស់មិត្តរួមក្រុម ហើយអ្នកទាំងពីរក៏បានធ្លាក់ក្នុងអន្លង់ស្នេហ៍ទៅវិញទៅមក តែទាស់ត្រង់ថា...?

ចង់ដឹងសាច់រឿងយ៉ាងណាទៀតនោះ សូមកុំភ្លេច “Rock Angel” នឹងបញ្ចាំងចាប់ពីថ្ងៃទី ២៧ ខែកុម្ភៈស្អែកនេះហើយ នៅរោងភាពយន្តផ្លាទីនៀមផ្សារទំនើបសូរិយា ។ បើចង់សើច កុំភ្លេចទៅទស្សនាទាំងអស់គ្នាណា!

http://youtu.be/_8aIaOTDAP0

អត្ថបទ៖ ទ្រី រ៉ាវី