រឿង "បេសកកម្មមរណៈ " ត្រៀមចាក់បញ្ចាំងថ្ងៃទី៤ នៅរោងកុនលុច្ស
- 2015-03-02 19:20:55
- ចំនួនមតិ 0 | ចំនួនចែករំលែក 0
រឿង "បេសកកម្មមរណៈ " ត្រៀមចាក់បញ្ចាំងថ្ងៃទី៤ នៅរោងកុនលុច្ស
ចន្លោះមិនឃើញ
ខ្សែភាពយន្ត រឿង "បេសកកម្មមរណៈ " ដែលជាវណ្ណកម្មដំបូង របស់ផលិតកម្ម វេហា Entertainment Production គ្រោងនឹងចាក់បញ្ចាំង នៅថ្ងៃទី ៤ ខែ មីនា ឆ្នាំ ២០១៥ ខាងមុខ នៅរោងភាពយន្តលុច្ស។
លោក ផាត សុផល ចាងហ្វាងផលិតកម្ម វេហា Entertainment Production បានឲ្យដឹងថា រឿង "បេសកកម្មមរណៈ" គឺជា ខ្សែភាពយន្តមួយ និយាយពី បេសកកម្មរបស់អ្នកដឹកនាំសិល្បៈមួយក្រុម ដែលបានចុះទៅថតនៅ ទីដាច់ស្រយាល ហើយបានជួបនៅហេតុការណ៍ចម្លែកជាច្រើន។
ចាងហ្វាងផលិតកម្ម និង ជាអ្នកដឹកនាំរឿងខាងលើ បានរៀបរាប់ឲ្យដឹងថា ខ្សែភាពយន្តមួយនេះ មានឈុតឆាក មនោសញ្ចេតនា កម្សត់ ភ័យខ្លាច ជាពិសេសនោះ គឺមានឈុតកំប្លែង។ មានតារាសម្ដែងជាច្រើនបានចូលរួមសម្ដែង ក្នុងនោះតារាសំខាន់ៗមាន ដួចជា កញ្ញា ហង្ស ម៉ារ៉ានី លោក ម៉េង ប៊ុនឡូ លោក Peypey Dy ជាដើម។
តាមការបញ្ជាក់របស់ លោក ផាត សុផល រឿង "បេសកកម្មមរណៈ " បានថតចប់ជាង ១ ឆ្នាំ មកហើយ ដោយរឿងមួយនេះ ធ្លាប់បានចាក់បញ្ចាំងម្ដងនៅ ខេត្ត សៀមរាប និង បាត់ដំបង កាលពីចុងឆ្នាំ ២០១៣ ដោយទទួលបានការគាំទ្រ ជាច្រើន។ ដោយសារតែ មានសំណូមពរច្រើនពី ទស្សនិកជន ទើប លោក សុផល សម្រេចយកមកចាក់ម្ដងទៀតនៅភ្នំពេញ។
សម្រាប់ការចាក់បញ្ចាំងលើកទី ២ នេះ ជាជំហានដំបូង ធ្វើឡើងតែនៅរោងភាពយន្តលុច្ស ដោយចាក់រយៈពេល ១ សប្ដាហ៍ ហើយបន្ទាប់មកទៀត គ្រោងចាក់នៅរោងភាពយន្ត ២ ទៀត គឺនៅ Platinum Cineplex និង Major Cineplex by Cellcard។
ចាងហ្វាងផលិតកម្មរូបនេះ សង្ឃឹមយ៉ាងមុខមាំថា រឿង "បេសកកម្មមរណៈ " និង មានទស្សនិកជនគាំទ្រច្រើន ព្រោះរឿងមួយនេះសម្រាប់អ្នកដែលបានចូលទស្សនាហើយធានាថា សើចពេញរោងកុនតាំងពីក្បាលរហូតដល់ចប់។ ប្រសិនបើមានការគាំទ្រខ្លាំង វេហា Entertainment Production គ្រោងផលិតខ្សែភាពយន្តជាច្រើនបន្តទៀត៕
អត្ថបទ៖ ខុត សីហា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
