មើលចុះ...តារាថ្មីៗភាគច្រើនចូលរួមថតMVចូលឆ្នាំរបស់ រស្មីស្ទឹងសែនម្សិលមិញ

2015-03-06 17:17:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ខុសពីផលិតកម្មចម្រៀងធំៗផ្សេងទៀត រស្មីស្ទឹងសែន បានជ្រើសរើសបរិវេណសួនកម្សាន្ត Dream Land ដែលជាទីតាំងកណ្ដាលក្រុងភ្នំពេញ ដើម្បីថត MVសម្រាប់អាល់ប៊ុមចូលឆ្នាំរបស់ខ្លួន កាលពីម្សិលមិញនេះ ស្របពេលដែលតួសម្ដែងភាគច្រើន ទើបចាប់ផ្ដើមថ្មីៗប៉ុណ្ណោះ។

លោក កែវ រតនា អ្នកដឹកនាំការសម្ដែងប្រាប់ថា យ៉ាងហោចណាស់មានបទចម្រៀងចំនួន៣អាល់ប៊ុម ស្មើនឹង៣០បទ ត្រៀមចរាចរណ៍លើទីផ្សារនៅក្នុងខែនេះ ដែលជាចង្វាក់ប្រពៃណី ដើម្បីរាំលេងកម្សាន្តសម្រាប់ឱកាសចូលឆ្នាំខ្មែរខាងមុខ។ អ្នកដឹកនាំដដែលបញ្ជាក់ថា នេះជាចំនួនមួយច្រើនជាងឆ្នាំកន្លងមកសម្រាប់ផលិតកម្មក្នុងដំណើរផលិតចម្រៀងជាថ្មី ហើយក៏មានបទមួយចំនួនអាចនឹងផ្ទុះទៀតផង ដោយផ្អែកលើខ្លឹមសារបទចម្រៀង និងទឹកដមសំឡេងតារាចម្រៀងជាដើម។

អ្នកដឹកនាំដដែលសង្ឃឹមថា ឆ្នាំនេះអាចនឹងមានការគាំទ្រច្រើនជាងឆ្នាំមុន បន្ទាប់ពីបទចម្រៀងទាំងនោះ ដាក់ចរាចរណ៍លើទីផ្សារ៕