វិធីព្យាបាលត្រចៀកក្រាញ់ដុះកប់ក្នុងក្រចក

2015-03-10 18:25:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ដុំសាច់នៅជាប់នឹងគែមក្រចកដៃជើង ដែលគេនិយមហៅថាត្រចៀកក្រាញ់ គឺជាមេរោគម្យ៉ាងអាចបណ្ដាលឲ្យហើមសាច់ និងបង្កការឈឺចាប់បាន។ វាជាបញ្ហាដែលតែងតែកើតមានឡើងចំពោះមនុស្សគ្រប់រូប ហើយអ្នកខ្លះទៀតខិតខំរកវិធីព្យាបាលវាដើម្បីកុំឲ្យវាឆ្លងរីករាលដាលធំ និងមិនសូវឈឺចាប់។ ថ្ងៃនេះ Sabay នឹងបង្ហាញពីវិធីព្យាបាលដោយប្រើឱសថបុរាណដ៏សាមញ្ញៗ៖

១. កាត់ក្រចក

វិធីដ៏ល្អបំផុតដើម្បីកម្ចាត់ត្រចៀកក្រាញ់ដែលដុះក្នុងសាច់ ដំបូងគឺត្រូវសម្អាតនៅបរិវេណនោះឲ្យស្អាត។ អ្នកត្រូវកាត់ក្រចកជើងឲ្យបានស្អាតបាតជានិច្ច ជាពិសេសត្រូវឆ្កៀលគែមៗ។

២. ទឹកក្ដៅ

នេះក៏ជាដំណោះស្រាយយ៉ាងមានប្រសិទ្ធភាពដែរដើម្បីកម្ចាត់បញ្ហានេះ។ ត្រាំជើងនៅក្នុងទឹកក្ដៅល្មម ប្រហែល២០នាទី។ ពេលត្រាំក្នុងទឹកក្ដៅនឹងធ្វើឲ្យក្រចកជើងទន់ជាងមុន ដូច្នេះងាយស្រួលក្នុងការកាត់បន្ថយភាពឈឺចាប់ ព្រោះទឹកក្ដៅជួយសម្អាតបាក់តេរី ដី ឬធូលីល្អិតៗទាំងអស់ដែលបានប្រមូលផ្ដុំគ្នានៅក្នុងក្រចកជើងនោះ។

៣. ក្រូចឆ្មារ

ក្រូចឆ្មារគឺជាឱសថមួយប្រភេទដែលមានប្រយោជន៍ជាច្រើន។ សម្រាប់បញ្ហាត្រចៀកក្រាញ់ ក្រូចឆ្មារក៏អាចជួយបានដែរ ដោយគ្រាន់តែចិត្តវាមួយចំណិតមកឈ្លីលើក្រចករួចប្រើបង់រុំជុំវិញមេជើងនោះ ដោយទុកវាពេញមួយយប់។ ជាតិអាស៊ីដរបស់ក្រូចឆ្មារ អាចជួយព្យាបាលមេរោគឆ្លងនេះបាន។

៤. សាប៊ូប្រឆាំងបាក់តេរី

ត្រាំជើងក្នុងធុងទឹកក្ដៅ លាយជាមួយសាប៊ូកម្ចាត់បាក់តេរី។ ពេលជើងស្ងួត យកដុំសំឡីបន្តិចមកដាក់ក្រោមក្រចកជើងដែលមានមេរោគនេះ។ បន្ទាប់មកដាក់ប្រេងប្រឆាំងបាក់តេរីលាបលើស្បៃ ហើយយកទៅរុំលើក្រចក វិធីនេះនឹងធ្វើឲ្យមេរោគទាំងនោះរីកធំរហូតដល់ហៀរខ្ទុះចេញមកទាំងអស់តែម្ដង។

៥. ពាក់ស្បែកជើងការពារ ពេលធ្វើដំណើរ

ពេលធ្វើដំណើរចេញទៅខាងក្រៅម្ដងៗ ត្រូវពាក់ស្បែកជើងឃ្លុប ដើម្បីបិទបាំងកុំឲ្យធូលីចូលក្នុងក្រចកជើងបាន។

៦. លាងសម្អាត

វិធីការពារកុំឲ្យកើតមានមេរោគនេះ គឺត្រូវលាងសម្អាតជើងរបស់អ្នកឲ្យបានទៀងទាត់ ដោយប្រើច្រាសដុសខោអាវមកដុសម្រាមជើងឲ្យសព្វ។ ធ្វើបែបនេះនឹងកម្ចាត់បាក់តេរីដែលតោងនឹងក្រចកបានភ្លាមៗ។

៧. ស្បែកជើង