កូរ៉េខាងជើងបាញ់មីស៊ីល ៧គ្រាប់ចំពេលសមយុទ្ធរវាងកូរ៉េខាងត្បូង និងអាមេរិក
- 2015-03-14 00:26:02
- ចំនួនមតិ 0 | ចំនួនចែករំលែក 0
កូរ៉េខាងជើងបាញ់មីស៊ីល ៧គ្រាប់ចំពេលសមយុទ្ធរវាងកូរ៉េខាងត្បូង និងអាមេរិក
ចន្លោះមិនឃើញ
មន្ត្រីក្រសួងការពារជាតិកូរ៉េខាងត្បូង បាននិយាយកាលពីថ្ងៃសុក្រម្សិលមិញនេះថា មីស៊ីល ៧គ្រាប់ ត្រូវកូរ៉េខាងជើងសាកល្បងបាញ់ចូលទៅក្នុងទឹកសមុទ្រនៅឆ្នេរភាគបូព៌ា។
ជាទូទៅ កូរ៉េខាងជើង តែងសាកល្បងបាញ់មីស៊ីល គ្រាប់រ៉ុកកែត និងកាំភ្លើងធំ ប៉ុន្តែការបញ្ចេញសកម្មភាពលើកចុងក្រោយនេះ ចំពេលកូរ៉េខាងត្បូង និងសហរដ្ឋអាមេរិក កំពុងធ្វើសមយុទ្ធប្រចាំឆ្នាំរួមគ្នា។ រដ្ឋាភិបាលក្រុងព្យុងយ៉ាង បានហៅសមយុទ្ធនេះថា ជាការហាត់សមដើម្បីឈ្លានពាន។ ចំណែករដ្ឋាភិបាលក្រុងសេអ៊ូល និងសហរដ្ឋអាមេរិកវិញ បាននិយាយថា សមយុទ្ធនេះគ្រាន់តែជាការហាត់សមដើម្បីការពារខ្លួនប៉ុណ្ណោះ។ កាលពីដើមខែមីនានេះ កូរ៉េខាងជើងបានបាញ់មីស៊ីលរយៈចម្ងាយខ្លីពីរគ្រាប់ចូលទៅក្នុងសមុទ្រម្ដងរួចមកហើយ ដែលពេលនោះចំថ្ងៃទីមួយនៃសមយុទ្ធរវាងមហាអំណាចយោធាអាមេរិក និងកូរ៉េខាងត្បូង។ មុនសមយុទ្ធរួមគ្នារវាងប្រទេសសេរីទាំងពីរកើតឡើង លោក គីម ជុងអ៊ុន ដែលជាមេដឹកនាំវ័យក្មេងរបស់កូរ៉េខាងជើង ក៏ធ្លាប់បានប្រាប់កងទ័ពរបស់ខ្លួនឲ្យត្រៀមអាវុធធ្វើសង្គ្រាមផងដែរ។
នេះគឺជាការវិវឌ្ឍដ៏តានតឹងថ្មីមួយទៀតនៅឧបទ្វីបកូរ៉េ បន្ទាប់ពីការដាក់បញ្ចាំងខ្សែភាពយន្តដ៏ចម្រូងចម្រាស “The Interview” របស់ផលិតកម្ម Sony ដែលនិយាយពីការលបធ្វើឃាតមេដឹកនាំផ្ដាច់ការកូរ៉េខាងជើង គីម ជុងអ៊ុន ព្រមទាំងការធ្វើសមយុទ្ធរួមគ្នារវាងសហរដ្ឋអាមេរិក និងកូរ៉េខាងត្បូង៕
ប្រែសម្រួល៖ គង់ វិសាល ប្រភព៖ cbsnews
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
