ផលអវិជ្ជមានពេលមើលទូរសព្ទមុនចូលគេង

2015-03-14 18:26:44
ចំនួនមតិ 0 | ចំនួនចែករំលែក 0

ចន្លោះមិនឃើញ

មិត្តយុវវ័យភាគច្រើនតែងតែប្រើទូរសព្ទដៃមុនចូលគេង ប៉ុន្តែមិនទាន់ដឹងទេថានេះគឺពិតជាមានគ្រោះថ្នាក់ខ្លាំងណាស់ដល់សុខភាពខួរក្បាលរបស់មនុស្ស។

ដោយយោងទៅតាមអ្នកជំនាញនៅសាលា UCLA School បាននិយាយថា មនុស្សដែលប្រើទូរសព្ទដៃមុនចូលលេងគឺមានផលអវិជ្ជមានច្រើនណាស់ចំពោះសុខភាព ដូចជាធ្វើឱ្យការចងចាំចុះខ្សោយ និងរាងកាយមិនមាំមួនថែមទៀតផង។ នេះបង្កមកពីពន្លឺដែលជះចេញពីទូរសព្ទបានប្រាប់ដល់ខួរក្បាលរបស់យើងមិនឱ្យបានសម្រាកនោះទេ ពោលគឺនៅដំណើរកាគិតរហូត ដែលធ្វើឲ្យមានការចុះខ្សោយនៅថ្ងៃណាមួយផ្នែកខាងការគិត ការចងចាំ និងការវិភាគរឿងអ្វីមួយ។

បន្ថែមពីលើនេះទៀត លោក Dan Siegel ក៏បានបន្តទៀតថា ការដែលមើលទូរសព្ទដល់យប់ជ្រៅនេះក៏មានផលប៉ះពាល់ដល់រាងកាយមនុស្សផងដែរ ព្រោះថាអាចធ្វើឱ្យគេងមិនគ្រប់គ្រាន់ សរសៃឈាមរត់មិនស្រួល និងមានបញ្ហាដល់សរីរាង្គផ្នែកខាងក្នុងទៀតផង ដូចជាក្រពះជាដើម។ ទន្ទឹមនឹងផលអវិជ្ជមាននេះ លោកគ្រូពេទ្យខាងលើក៏បាននិយាយពីវិធីទប់ស្កាត់ផងដែរគឺត្រូវតែបិទទូរសព្ទដាក់ឱ្យឆ្ងាយពីខ្លួន និងចូលលេងនៅម៉ោងត្រឹម៩យប់គឺល្អបំផុតសម្រាប់សុខភាព៕