សុគន្ធ ថេរ៉ាយុ៖ ឆ្នាំនេះ អាចផ្ទុះជាមួយ នាយ គ្រឿន ទៅរួចអត់?

2015-03-16 21:02:15
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងក្នុងផលិតកម្មថោន លោក សុគន្ធ ថេរ៉ាយុ បាននិយាយប្រាប់ Sabay ថា នៅវ៉ុលឆ្នាំថ្មី លោកមានបទចម្រៀងចំនួន ៥ បទ ជាប្រភេទបទ កន្រ្ទឹម និង Hip Hop ប៉ុន្តែ បទចម្រៀងដែលលោកសង្ឃឹមថានិងទទួលបានការគាំទ្រខ្លាំងជាងគេនោះ គឺ បទ "កខគឃង" ដែលលោកបានច្រៀងឆ្លើយឆ្លងជាមួយនាយ គ្រឿន។

៥ បទ ដែល លោក សុគន្ធ ថេរ៉ាយុ មានសម្រាប់ចូលឆ្នាំនោះ លោកបានរៀបរាប់ឲ្យដឹងថា មាន បទ ស្ទាវភូមិ១, កខគឃង, ប៊ិសស្រលាញ់ប៊ិសសន្លប់, សែនខឹង, និង បទ មានពេលមានលុយ តែអត់កម្លាំង ដោយបទទាំងអស់នេះ សុទ្ធតែជា មេឡូឌីថ្មីទាំងអស់។

លោក បាននិយាយថា ចំពោះបទ "កខគឃង" ដែលលោកបានច្រៀងឆ្លើយឆ្លងជាមួយនាយគ្រឿន មុនចេញច្រៀងលោកបានពិភាក្សាជាមួយគ្នាច្រើនណាស់ ដើម្បីឲ្យសម្ដែងទៅមានការចាប់អារម្មណ៍ពីទស្សនិកជន។

សុគន្ធ ថេរ៉ាយុបានលើកឡើងថា បទ "កខគឃង" ទើបតែចេញជា CD ទេ ហើយអត្ថន័យនិងភ្លេងច្រៀងស្ដាប់មើលទៅកំប្លែង ប៉ុន្តែ ប្រសិនបើបានទស្សនាវីដេអូវិញនេះ ច្បាស់ជា កាន់តែល្អមើលជាងនេះ ព្រោះបទមួយនេះលោកជា ពួកម៉ាកជាមួយនាយ គ្រឿន ហើយត្រូវសម្ដែង វ៉ៃស្មើគ្នា ដោយបានទះក្បាលនាយគ្រឿន ជាដើម។

នេះជាលើកទី ១ ហើយ ដែល សុគន្ធ ថេរ៉ាយុ បានចាប់ដៃជាមួយនាយគ្រឿន។ ទន្ទឹមនឹងការចាប់ដៃគូច្រៀងឆ្លងឆ្លើយ សុគន្ធ ថេរ៉ាយុ សង្ឃឹមយ៉ាងមុតមាំថា បទ "កខគឃង" នឹងផ្ទះខ្លាំងនៅ រដូវចូលឆ្នាំនេះ ព្រោះគ្រាន់តែដាក់ចូលក្នុង Page ផលិតកម្មរបស់លោក គឺ១ល្ងាចប៉ុណ្ណោះ មានអ្នកស្ដាប់ជាង ១ ម៉ឺននាក់ឯណោះ៕