Pacquiao ទិញផ្ទះ Jennifer Lopez ១២លានដុល្លារនៅអាមេរិកទុកលំហែកាយ

2015-03-16 21:04:23
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីទៅហ្វឹកហាត់នៅអាមេរិកអស់ពេលជិត៣សប្ដាហ៍មកនេះ អ្នកប្រដាល់ Manny Pacquiao កំពុងរៀបចំឯកសារត្រៀមទិញផ្ទះមួយតម្លៃ១២លានដុល្លារអាមេរិក ខណៈដែលផ្ទះនោះទៀតសោតគឺជាអតីតផ្ទះរបស់តារាចម្រៀង Jennifer Lopez។

ការសម្រេចទិញគេហដ្ឋានដ៏ស្កឹមស្កៃនេះ Pacquiao បានប្រាប់ពីមូលហេតុថាមកពីរូបលោកស្រលាញ់រចនាបថនៅក្នុងផ្ទះ និងប្រព័ន្ធសុវត្ថិភាព។ ខណៈដែលតម្លៃ១២លានដុល្លារនេះគឺរូបលោកផ្ទាល់ជាអ្នកនិយាយ ដោយមិនលាក់បាំងអ្វីឡើយ។ យ៉ាងណាមិញមិនត្រឹមតែទិញផ្ទះនេះមួយទេ កំពូលអ្នកប្រដាល់សញ្ជាតិហ្វីលីពីនរូបនេះក៏កំពុងរកទិញកន្លែងហាត់កីឡាមួយទៀតដែរ គ្រាន់តែពេលនេះមិនទាន់បានប៉ុណ្ណោះ។

បន្ទាប់ពីឮដំណឹងថា Pacquiao ទិញផ្ទះ១២លានដុល្លារនេះ មានមតិមួយចំនួនបានចោទជាសំនួរថាតើកីឡាកររូបនេះបានប្រាក់ពីណាច្រើនម្ល៉េះក្នុងការដើរទិញផ្ទះដូច្នេះ? ជាក់ស្ដែង គ្រប់គ្នាមិនបានដឹងទេថាកីឡាករវ័យ៣៦ឆ្នាំរូបនេះមានប្រាក់ប៉ុន្មាននោះ ប៉ុន្តែគ្រាន់តែដឹងថាការប្រកួតជាមួយ Floyd នៅថ្ងៃទី២ ខែឧសភានេះ Pacquiao នឹងទទួលបានប្រាក់៨០លានដុល្លារអាមេរិកទៅហើយ ។ ពោលគឺការប្រកួតនោះ Floyd នឹងបានទទួល ៦០% នៃចំនួនប្រាក់ទាំងអស់ ខណៈដែលបុរសកូន៥ខាងលើវិញទទួលបាន ៤០% ៕

ចុចអាន៖Pacquiao ចង់ធ្វើអ្នកប្រដាល់រហូតបានក្លាយជាប្រធានាធិបតីហ្វីលីពីន

ប្រែសម្រួល៖ មុន្នី រម្យ ប្រភព៖ kickerdaily