ឱក សុម៉ាវត្តី ចូលរោងការហើយល្ងាចមិញ

2015-03-17 17:08:20
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង និង ជាតារាចម្រៀង ឱក សុម៉ាវត្តី បានចូលរោងការបញ្ចប់ភាពនៅលីវរបស់ខ្លួនហើយ កាលពីម្សិលមិញ ជាមួយខ្មែរអាណិកជនរស់នៅសហរដ្ឋអាមេរិក។ ពិធីកាត់ចំណងដៃ បានធ្វើនៅ មជ្ឈមណ្ឌលម៉ុងឌីយ៉ាល់អគារ D ។

តារាស្រីម្នាក់នេះ បានប្រាប់ថា ទម្រាំសម្រេចចិត្តចូលរោងជ័យជាមួយស្វាមីម្នាក់នេះ នាងបានសិក្សាចិត្តថ្លើមគ្នាជាង ៣ ឆ្នាំ មកហើយ។ ស្វាមីរបស់នាង គឺជា អ្នករកស៊ីម្នាក់លើទឹកដីអាមេរិក។

កូនស្រីទី ២ ត្រកូលឱក ម្នាក់នេះ មិនបានប្រាប់ពីការចំណាយនៃអាពាហ៍ពិពាហ៍ និង ថ្លៃបណ្ដាការដែលខាងប្រុសជូនឡើយ តែនាងបានប្រាប់ថា អាពាហ៍ពិពាហ៍មួយនេះ នាងបានអញ្ជើញភ្ញៀវជាង ៥០ តុ ក្នុងនោះមានអ្នកសិល្បៈជាង៥០%។

ក្រោយពីរៀបការរួច ឱក សុម៉ាវត្តី ប្រាប់ថា ស្វាមីរបស់នាង នឹងធានាទៅរស់នៅសហរដ្ឋអាមេរិក ហើយចំពោះអាជីព សិល្បៈ នាងអាចនឹងបោះបង់ចោល ប្រសិនបើមិនមានទីផ្សារនៅអាមេរិកនោះទេ។ ចង់ដឹងថា មានអ្នកសិល្បៈចូលរួមអាពាហ៍ពិពាហ៍ ឱក សុម៉ាវត្តី សូមទស្សនាសកម្មភាពខាងក្រោមទាំងអស់គ្នា៕