Beyonce បង្ហាញវីដេអូសម្ដែងជាមួយ Nicki Minaj លើកដំបូង ពិតជារញ្ជួយឆាក

2014-10-07 19:18:52
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលតារាចម្រៀងប៉ុបអាមេរិក Beyonce បានបង្ហាញវីដេអូសម្ដែងដ៏គួរឲ្យរំភើបមួយ កាលពីម្សិលមិញ គឺវីដេអូបទ "Flawless” ដែលតារារូបនេះបានច្រៀងរួមគ្នាជាមួយ តារាចម្រៀងរ៉េបល្បីឈ្មោះ Nicki Minaj។

វីដេអូនេះគឺជាការសម្ដែងរួមគ្នារបស់ពួកគេក្នុងការប្រគំតន្ត្រីទេសចរណ៍ របស់តារាចម្រៀង Beyonce នៅទីក្រុងប៉ារីស ប្រទេសបារាំង កាលពីខែមុន។ តារាចម្រៀងម្ចាស់បទ "Halo” Beyonce បានចេញមកបើកឆាកមុន ដោយស្លៀកឈុតចម្រុះពណ៌ដ៏ខ្លី រួមជាមួយក្បាច់រាំប្រកបដោយថាមពល។ ចំណែកតារាចម្រៀងវ័យ ៣១ឆ្នាំ Nicki Minaj បានបង្ហាញខ្លួនចាប់ពីពាក់កណ្ដាលបទចម្រៀង ដោយស្លៀកឈុតពណ៌ដូចគ្នា ប៉ុន្តែមានខោជើងវែង និងអាវបង្ហាញដើមទ្រូងយ៉ាងសិចស៊ី។ ការសម្ដែងរបស់អ្នកទាំងពីរបានទទួលការគាំទ្រយ៉ាងខ្លាំងពីទស្សនិកជន។

បទ “Flawless” គឺជាការសហការគ្នាលើកដំបូងរវាងតារាចម្រៀង Beyonce និង Nicki Minaj និងបានចេញលក់ក្នុងអាល់ប៊ុមទី៥ របស់ Beyonce កាលពីថ្ងៃទី១២ ខែសីហា។

ទស្សនាការសម្ដែងរបស់ពួកគេទាំងអស់គ្នា៖

http://youtu.be/56qgO0C82vY

អានអត្ថបទ៖ Adam Levine បទថ្មីមានឈុតឡើងគ្រែជាមួយប្រពន្ធយ៉ាងសាហាវ

ប្រែសម្រួល៖ វ៉ាន់ថន ប្រភព៖ mtv