“ល្បែងដាស់ខ្មោច" ប្លែក រន្ធត់លស់ព្រលឹងពីដើមដល់ចប់

2015-03-19 22:56:23
ចំនួនមតិ 0 | ចំនួនចែករំលែក 0

ចន្លោះមិនឃើញ

Ton និង Jack គឺជាសិស្សពីរនាក់ដែលពូកែខាងថតវីដេអូបន្លាចគេឯង ដោយមិនខ្លាចរអាពីរឿងខ្មោចព្រាយអ្វីទាំងអស់។ ដោយវីដេអូពួកគេមានអ្នកចូលមើលកាន់តែច្រើន ពួកគេក៏កាន់តែបែកគំនិតថតវីដេអូកាន់តែប្លែក និងសាហាវៗ។ គម្រោងមួយរបស់ពួកគេគឺត្រូវចាប់ជំរិត Tor ដែលជាប្អូនប្រុសរបស់ Ton ដើម្បីថតជាមួយសាកសព។

Ton និង Jack បានចាប់ផ្ដើមគម្រោងនេះ ដោយនាំខ្លួន Tor ទៅកន្លែងកប់សាកសពមួយ។ ពួកគេបានប្រទះសាកសពមួយ និងបានឃើញកាក់មាសមួយក្នុងមាត់សាកសពនោះ។ ដោយមានចិត្តលោភលន់ Ton បានខ្វេះយកកាក់នោះ ធ្វើឲ្យសាកសពស្ដូកស្ដឹងស្រាប់តែមានវិញ្ញាណមួយរំពេច។ Ton បានរត់ចេញទាំងភ័យខ្លាច ប៉ុន្តែក៏គ្រេចជើងដួលនឹងដី។ Tor បម្រុងនឹងរត់ចេញ ប៉ុន្តែភ្លាមនោះ Ton បានដាក់ខ្នោះដៃ Tor ជាប់នឹងដៃរបស់គេ ហើយពួកគេក៏បានរត់ជាមួយគ្នា ស្របពេលដែលខ្មោចនោះដេញតាមពីក្រោយរហូត។ Jack និងមិត្តភ័ក្ដិដទៃបានរត់ទៅទិសដៅផ្សេងៗទៀត ប៉ុន្តែពួកគេទាំងអស់នឹងត្រូវជួបប្រទះរឿងដ៏រន្ធត់ដែលមិនអាចបំភ្លេចបាន។

ចង់ដឹងច្បាស់ថាតើនឹងមានរឿងរន្ធត់ៗបែបណាខ្លះកើតឡើងលើយុវជនមួយក្រុមនេះ សូមចូលរួមទស្សនាភាពយន្ត "ល្បែងដាស់ខ្មោច" (Ghost Coins) ដែលនឹងមានបញ្ចាំងនៅរោងភាពយន្តផ្លាទីនៀម ផ្សារទំនើបសុរិយា ចាប់ពីថ្ងៃទី២០ ខែមីនា តទៅ ៕

ទស្សនាឈុតខ្លីៗ៖