អ្នកឧកញ៉ា គិត ម៉េង លេងម៉ាអស់ដៃ កាត់នំអាពាហ៍ពិពាហ៍ប្រើរូបសេះហោះ ធ្វើឲ្យប្លែកជាងគេ

2015-03-21 15:41:19
ចំនួនមតិ 0 | ចំនួនចែករំលែក 0

ចន្លោះមិនឃើញ

មហាសេដ្ឋីស្រុកខ្មែរ អ្នកឧកញ៉ា គិត ម៉េង និង ជំទាវស្រី តូច ចំណាន បានកាត់នំអាពាហ៍ពិពាហ៍ជារូបរទេះ សេះហោះ ដែលធ្វើឲ្យពិធីជប់លៀងមង្គលការកាន់តែប្លែកជាងគេ កាលពីយប់មិញនេះ។

មង្គលការដែលអាចចាត់ទុកបានថា ជាប្រវត្តិសាស្ត្រ នៃអាពាហ៍ពិពាហ៍ធំបំផុតរបស់សិល្បករខ្មែរ រវាងពេល ៣០ ឆ្នាំ ទោះបីកូនក្រមុំ បានចាកចេញពីវិស័យនេះ ជិត ១០ ឆ្នាំហើយក្តី។ ក្នុងអំឡុងរយៈពេលជាង ១០ ឆ្នាំ ដែលអ្នកឧកញ៉ា គិត ម៉េង និង ស្រីតូច ចំណាន បានរួមរស់នៅជាមួយគ្នា រហូតមានកូន ៤ នាក់ បានសម្រេចចិត្តដើរចូលរោងជ័យម្សិលមិញ បានជ្រើសរើសនំអាពាហ៍ពិពាហ៍រូបរទេះសេះហោះមកកាត់ក្នុងពិធីជប់លៀងមង្គលយប់មិញ។ ក្រៅពីនំដ៏ធំ និង ប្លែកជាងគេ មហាសេដ្ឋីស្រុកខ្មែរ អ្នកឧកញ៉ា គិត ម៉េង បានធ្វើឲ្យភ្ញៀវរំជួលចិត្ត នូវក្ដីស្រឡាញ់ស្មោះស្ម័គ្រ ដោយអ្នកទាំងពីរ បានបង្ហើរបទចម្រៀងមួយបទទៅកាន់ភ្ញៀវរាប់ពាន់នាក់ចូលរួមពិធី គឺបទ "ស្នេហ៍លើពសុធា"។ ចំណងស្នេហ៍ដ៏ស្អិតល្មួតរបស់ អ្នកឧកញ៉ា គិត ម៉េង និង លោកជំទាវ បានញុំាងឲ្យស្នូរទះដៃ និង សំឡេងគាំទ្រ នាកម្មវិធីកាត់នំអាពាហ៍ពិពាហ៍ នៅឯមជ្ឈមណ្ឌលកោះពេជ្រ កាលពីយប់ថ្ងៃទី ២០ មីនា ម្សិលមិញនេះ៕