ផ្អើលរាប់ពាន់នាក់មើលទារកមានស្នាមដូចព្រះយេស៊ូគ្រិស្ត
- 2015-03-23 20:45:12
- ចំនួនមតិ 0 | ចំនួនចែករំលែក 0
ផ្អើលរាប់ពាន់នាក់មើលទារកមានស្នាមដូចព្រះយេស៊ូគ្រិស្ត
ចន្លោះមិនឃើញ
ទារកម្នាក់នៅប្រទេសហ្វីលីពីន បានកើតមកដោយមានស្នាមចម្លែកនៅលើថ្ងាស ជើង និងបាតដៃទាំងសងខាងស្រដៀងទៅនឹងស្នាមរបួសព្រះយេស៊ូគ្រិស្ត ពេលនៅលើឈើឆ្កាង។ ការចាប់កំណើតរបស់ទារកនេះ បានទាក់ទាញមនុស្សដែលមានជំនឿរាប់ពាន់នាក់ ឲ្យផ្អើលទៅមើលដល់មន្ទីរពេទ្យ។
ទារកឈ្មោះ Jejomar Castillo បានប្រសូតកាលពីថ្ងៃទី១៥ ខែមីនា និងមានទម្ងន់ ៣,២គីឡូក្រាម។ ស្នាមនៅលើថ្ងាសទារកចម្លែកនេះ មានសណ្ឋានស្រដៀងនឹងស្នាមមកុដបន្លាលើថ្ងាសព្រះយេស៊ូគ្រិស្ត ចំណែកស្នាមផ្សេងទៀតស្រដៀងនឹងស្នាមរបួសពេលជាប់លើឈើឆ្កាង។
មនុស្សរាប់ពាន់នាក់ដែលនាក់ដែលមានជំនឿ បានប្រមូលផ្ដុំគ្នាជុំវិញមន្ទីរពេទ្យក្រុង Quezón ដើម្បីចាំមើលទារកចម្លែក។ បើតាមវេជ្ជបណ្ឌិត Merlyn Cruz ដែលជាអ្នកជំនាញជាន់ខ្ពស់ផ្នែកជីវសាស្ត្រម្នាក់ បានបញ្ជាក់ថា ទារកនេះមានស្នាមដ៏កម្របំផុតបណ្ដាលមកពីឈាមក្រោមស្បែក ដែលលេចចេញជាចំណុចពណ៌ក្រហម ឬស្វាយស្លេកនៅលើស្បែក។
មនុស្សជាង ១៥០០០នាក់ នាំគ្នាកាន់ទៀនអធិស្ឋានក្រៅមន្ទីរពេទ្យ
ពាក្យចចាមអារ៉ាមនៃទារកចម្លែកនេះ បានល្បីសុសសាយពេញមន្ទីរពេទ្យ បន្ទាប់មកក៏រីករាលដាលពេញទីក្រុង។ អស់រយៈពេលជាច្រើនម៉ោង មនុស្សប្រមាណជាង ១៥០០០នាក់ បានឡោមព័ទ្ធអគារមន្ទីរពេទ្យជិត និងធ្វើការអធិស្ឋានដោយភាពស្ងៀមស្ងាត់៕
ចុចអាន៖ អាថ៌កំបាំងព្រះសង្ឃបាត់ព្រះកាយ ២០០ឆ្នាំទើបរកឃើញ មិនទាន់សុគត?
ប្រែសម្រួល៖ គង់ វិសាល ប្រភព៖ worldnewsdailyreport
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
