ជំនឿនៅចិន បោះលុយចូលអណ្តូងទឹកក្នុងប្រាសាទសេះសអាចនាំសំណាង

2014-10-07 23:17:48
ចំនួនមតិ 0 | ចំនួនចែករំលែក 0

ចន្លោះមិនឃើញ

កិត្តិនាមដ៏ល្បីល្បាញនៃប្រសាទសេះស នៅក្រុង Luoyang ខេត្ត Henan បានទាក់ទាញអ្នកទេសចរជាច្រើនឲ្យទៅទស្សនា ក្នុងថ្ងៃឈប់សម្រាកមួយសប្ដាហ៍នៃពិធីបុណ្យ Golden Week របស់ប្រទេសចិន។ អ្វីដែលប្លែកនោះ គឺអ្នកទេសចរបានបោះលុយចូលទឹកអណ្ដូងចំណាស់នៃប្រាសាទ និងធ្វើការបួងសួងសុំក្ដីសុខ។

ដោយសារអ្នកមានជំនឿចេះតែកើនឡើង អណ្ដូងនៃប្រាសាទសេះសបានពោរពេញទៅដោយក្រដាសប្រាក់ និងកាក់ជាច្រើន។ អណ្ដូងរាងបួនជ្រុងនេះ មានអាយុកាលរាប់ពាន់ឆ្នាំមកហើយ ដែលគេជឿថាវាអាចនាំសំណាង និងធ្វើឲ្យមានសុខភាពល្អ។ អ្នកមានជំនឿមកពីគ្រប់ទិសទីក្នុងប្រទេសចិន បានបោះលុយកាក់ចូលក្នុងអណ្ដូងនេះ ដោយក្នុងមួយថ្ងៃៗត្រូវស្រង់ចេញយ៉ាងតិច ៤ដង។

ព្រះសង្ឃមួយអង្គដែលគង់នៅក្នុងប្រសាទបានបញ្ជាក់ថា អណ្ដូងនេះមានអ្នកមកទស្សនាជាច្រើនក្នុងថ្ងៃឈប់សម្រាកធំៗ ហើយក្នុងឆ្នាំនេះអ្នកទេសចរមានចំនួនច្រើនបំផុតមិនធ្លាប់មានពីមុនមក៕