បុរសម្នាក់សុខចិត្តសម្លាប់ខ្លួន ព្រោះគ្រួសារបង្ខំឱ្យរៀបការជាមួយនារីមុខអាក្រក់

2015-03-28 18:47:07
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសជនជាតិចិនម្នាក់បានលោតទឹកសម្លាប់ខ្លួន ព្រោះតែគ្រួសារបង្ខំឱ្យគាត់ទៅរៀបការជាមួយ នារីម្នាក់ដែលមានរូបរាងអាក្រក់ តែសំណាងល្អត្រូវសង្គ្រោះរួចផុតជីវិត។

បុរសម្នាក់ដែលបានព្យាយាមសម្លាប់ខ្លួននោះ រស់នៅក្នុងខេត្ត Hubei ប្រទេសចិន។ ប៉ូលិសម្នាក់បានឱ្យដឹងថា ដំបូងគាត់បានឃើញជនរងគ្រោះអណ្ដែតផ្កាប់មុខក្នុងទឹក ហើយគាត់ក៏លោតទឹកទៅជួយស្រង់ភ្លាមៗ។ ប៉ូលិសខាងលើបន្តទៀតថា ដោយសារតែច្រាំងទន្លេខ្ពស់ពេក ហើយម្យ៉ាងគាត់គ្មានកម្លាំងផង ក៏រង់ចាំរហូតទាល់កងកម្លាំងពន្លត់អគ្គិភ័យមកដល់ ដើម្បីទាញជនរងគ្រោះឡើង។

ក្រោយមកបុរសខាងលើក៏ត្រូវបានបញ្ជូនទៅមន្ទីរពេទ្យ ដើម្បីសង្គ្រោះបន្ទាន់ តែសំណាងល្អបុរសគិតខ្លីចង់សម្លាប់ខ្លួនរូបនេះ អាចរួចផុតពីជីវិតពីការប៉ងសម្លាប់ខ្លួន។

ក្រោយពេលបុរសដែលប៉ងសម្លាប់ខ្លួនខាងលើបានដឹងខ្លួន ប៉ូលិសក៏បានសួរនាំពីមូលហេតុនាំឱ្យគាត់ឈានដល់ការធ្វើអត្តឃាតខ្លួនឯងដូច្នេះ។ បុរសរូបនេះក៏បានប្រាប់ទៅប៉ូលិសថា ដោយសារតែគ្រួសារបង្ខំឱ្យគាត់រៀបការជាមួយនារីម្នាក់ ដែលខ្លួនមិនស្រឡាញ់ ហើយម្យ៉ាងនារីនោះមានរូបរាងអាក្រក់ទៀត ក៏ដាច់ចិត្តបញ្ចប់ជីវិតខ្លួនឯង ដោយការលោតទឹកបែបនេះតែម្តង៕