អ៊ុតមើលទំាងអស់គ្នា ថាកីឡាករណាឈ្នះពាន FIFA Ballon d'Or ឆ្នាំនេះ?

2014-10-08 16:25:20
ចំនួនមតិ 0 | ចំនួនចែករំលែក 0

ចន្លោះមិនឃើញ

មិនដល់១០០ថ្ងៃទៀតទេ ថ្ងៃប្រកាសលទ្ធផលអ្នកឈ្នះពានកីឡាករល្អបំផុតប្រចាំឆ្នាំ ឬ FIFA Ballon d'Or នឹងមកដល់ទៀតហើយ។ សាកចូលរួមទស្សន៍ទាយស្ទង់មតិលមើល៍ ថាតើកីឡាកររូបណាដែលប្រិយមិត្តគិតថានឹងឈ្នះពានឆ្នាំ២០១៤នេះ?

បេក្ខភាព២៣នាក់សម្រាប់ប្រជែងយកពាននេះ នឹងត្រូវប្រកាសឲ្យដឹងនៅថ្ងៃទី២៨ ខែតុលាខាងមុខ មុនជម្រុះចេញ យក៣នាក់ចុងក្រោយនៅ ថ្ងៃទី១ ខែធ្នូ។ បេក្ខភាព៣នាក់ចុងក្រោយនោះ នឹងដឹងថាអ្នកណាជាអ្នកឈ្នះ ក្នុងកម្មវិធី FIFA Ballon d'Or gala ដែលរៀបចំនៅទីក្រុង Zurich ប្រទេសស្វីស នាថ្ងៃទី១២ ខែមករា ឆ្នាំ២០១៥។

អ្នកដែលជ្រើសរើសបេក្ខភាពទាំង២៣ គឺជាអ្នកជំនាញមកពីគណៈកម្មាធិការរបស់ FIFA និងទស្សនាវដ្ដីបារាំង France Football។ ចំណែកអ្នកដែលមានសិទ្ធិបោះឆ្នោតឲ្យបេក្ខភាពទាំងនោះ គឺអ្នកសារព័ត៌មាន គ្រូបង្វឹកជម្រើសជាតិ និងប្រធានក្រុមជម្រើសជាតិទាំងអស់របស់ប្រទេសសមាជិក FIFA។

ឆ្នាំ២០១៣ កន្លងទៅ Crisitiano Ronaldo ជាម្ចាស់ពានរង្វាន់នេះ ក្រោយយកឈ្នះបេក្ខភាព២រូបផ្សេងទៀតគឺ Lionel Messi និង Franck Ribery។ ចំណែកឆ្នាំនេះវិញ តើកីឡាករណានឹងឈ្នះ?

តោះ! ចាំអីទៀត ចូលរួមស្ទង់មតិទាំងអស់គ្នា ក្នុងប្រអប់ Comment ខាងក្រោម ថាតើកីឡាករណាទទួលបានអ្នកគាំទ្រច្រើនជាងគេ?

វីដេអូ Ronaldo ឈ្នះ FIFA Ballon d'Or 2013 កាលពីខែមករាកន្លងទៅ៖

http://youtu.be/JVSTM8nN-Ds

ដោយ៖ សុខ សុវត្ថិ