ទម្រាំស្អាត ស្ត្រីម្នាក់វះកាត់កែសម្ផស្សជិត៥០ដង

2015-03-30 21:34:31
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រាប់អ្នកមិនធ្លាប់បានវះកាត់កែសម្ផស្ស ប្រាកដជាខ្លាចមិនចង់ហ៊ានប្រថុយនោះឡើយ ទោះចង់ស្អាតប៉ុណ្ណាក៏ដោយ ប៉ុន្តែសម្រាប់ស្ត្រីវ័យកណ្ដាលម្នាក់ខាងក្រោមនេះវិញ បានទទួលកំណត់ត្រាវះកាត់កែសម្ផស្សច្រើនបំផុត វះម្ដងហើយម្ដងទៀត ជិត៥០ដងមកហើយ។

លោកស្រី Cindy Jackson មានអាយុ៥៨ឆ្នាំ តែសម្រស់នៅតែស្រស់ស្អាតធម្មតា គ្មានអ្វីប្រែប្រួលសោះ។ អាថ៌កំបាំងក៏ព្រោះ Jackson បានវះកាត់កែសម្ផស្សតាំងពីនៅអាយុ៣៣ឆ្នាំម្ល៉េះ។ ពេលឪពុករបស់លោកស្រីស្លាប់ បានបន្សល់ទុកប្រាក់មួយចំនួន ដូច្នេះលោកស្រីបានយកប្រាក់នោះទៅកែកុនរូបរាង។ Cindy បាននិយាយថា ក្ដីស្រមៃពេលនៅកុមារភាពរបស់នាង គឺស្រស់ស្អាតដូចតុក្កតា Barbie អីចឹង។

នាងបានចាប់ផ្ដើមកែត្របកភ្នែកជាលើកដំបូង បន្ទាប់មកបានវះកាត់ខ្លាញ់ក្បាលពោះ និងចាក់ថ្នាំដើម្បីបំបាត់ស្នាមខ្មៅនៅក្បាលជង្គង់។ ការវះកាត់លើកទីមួយនាងនិយាយថា ស្រស់ស្អាតខ្លាំងណាស់ ហើយមានមោទនភាពនូវអ្វីដែលបានធ្វើ។

ក្នុងឆ្នាំ២០០៧ ម្ដាយលោកស្រីក៏ទទួលមរណភាព ហើយបានបន្សល់ប្រាក់ខ្លះដែរ។ គិតមកទល់បច្ចុប្បន្ន លោកស្រីបានទទួលការវះកាត់ច្រើនជាង ៤៧ ដង ។

Cindy បានប្រើភាពល្បីល្បាញរបស់ខ្លួនសរសេរសៀវភៅពីរក្បាលលក់ដាច់បំផុត និងចាប់ផ្ដើមបើកលក់ផលិតផលថែរក្សាស្បែកដោយខ្លួនឯង។ សរុបទៅ អ្នកស្រីបានចំណាយប្រាក់អស់ជាង១០ម៉ឺនដុល្លារ សម្រាប់ចំណាយលើការព្យាបាល និងវះកាត់កែសម្ផស្ស៕