ពិព័រណ៍អាស៊ាន-ចិនឆ្នាំនេះ មានជិត ៥០០០ ស្តង់

2014-09-16 01:20:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ការតាំងពិព័រណ៍ផលិតផលអាស៊ាន-ចិនឆ្នាំនេះ មានស្តង់ផលិតផលសរុបជិត ៥០០០ ស្តង់។ នេះបើតាមប្រសាសន៍របស់ លោក Hu Suojing អគ្គនាយករងការិយាល័យព័ត៌មានក្រសួងពាណិជ្ជកម្មចិន ថ្លែង ក្នុងសន្និសីទ សារព័ត៌មានកាលពីព្រឹកមិញនេះ។

លោកបាននិយាយថា មានការស្នើសុំដាក់តាំងបង្ហាញផលិតផលពីបណ្ដាប្រទេសផ្សេង រហូតដល់ទៅ ៦០០៩ ស្តង់ ប៉ុន្តែជាក់ស្ដែង មានស្តង់ត្រឹម ៤៦០០ ប៉ុណ្ណោះ ខណៈស្តង់ផលិតផលទាំងក្នុង និងក្រៅពីបណ្ដាប្រទេសអាស៊ានបានកើនឡើងដល់ទៅ ១២៥៩ ស្តង់។

មកដល់ឆ្នាំ ២០១៤ គឺជាលើកទី ១១ ហើយ ដែលការតាំងពិព័រណ៍ផលិតផលអាស៊ាន-ចិនត្រូវបានប្រារព្ធឡើង នៅទីក្រុងណានីញ ខេត្តក្វាងស៊ីប្រទេសចិន។ សម្ដេច ហ៊ុន សែន នាយករដ្ឋមន្ត្រី នៃប្រទេសកម្ពុជានឹងចូលរួម ក្នុងពិធីសម្ពោធពិព័រណ៍ ដែលនឹងប្រារព្ធធ្វើនៅថ្ងៃស្អែក៕

Sabay នឹងធ្វើសេចក្ដីរាយការណ៍ជុំវិញព័ត៌មាននៅថ្ងៃស្អែក ពីប្រទេសចិន

មៃ សុខលីម រាយការណ៍ពីប្រទេសចិន