បកស្រាយ ហេតុអ្វីបានជាឃើញព្រះអាទិត្យច្រើននៅបាត់ដំបងព្រឹកនេះ
- 2015-04-01 18:07:24
- ចំនួនមតិ 0 | ចំនួនចែករំលែក 0
បកស្រាយ ហេតុអ្វីបានជាឃើញព្រះអាទិត្យច្រើននៅបាត់ដំបងព្រឹកនេះ
ចន្លោះមិនឃើញ
បាតុភូតដ៏ចម្លែកមួយ បានកើតឡើងនៅខេត្តបាត់ដំបងនាវេលាម៉ោង៧ និង៥០នាទីព្រឹក ថ្ងៃទី១ ខែមេសានេះ ដែលបង្ករឲ្យមានការភ្ញាក់ផ្អើលដល់ប្រជាជន និង អ្នកដំណើរផ្អើលងើយមើល។ ចុះអ្នកមានដឹងទេថា បាតុភូតនេះកើតឡើងដោយសារអ្វី?
បើយោងតាមសារព័ត៌មាន Mail Online បានរាយការណ៍ថា ហេតុការណ៍ស្រដៀងនេះធ្លាប់បានកើតនៅក្នុងប្រទេសម៉ុងហ្គោ កាលពីឆ្នាំ២០១៣។ គេអាចមើលឃើញព្រះអាទិត្យដល់ទៅបី។ បាតុភូតចម្លែកនេះត្រូវបានគេស្គាល់ថា ជា "Phantom Sun" ឬ "Ice Halo" (ជារង្វង់ពន្លឺមានប្រតិកម្មរវាងពន្លឺព្រះអាទិត្យ និងព្រឹលលើអាកាស)។
បាតុភូតចម្លែកនេះកើតឡើងនៅពេលដែលពន្លឺព្រះអាទិត្យឆ្លងកាត់ព្រឹលទឹកកកគ្រីស្តាល់ (Ice Crystals) ដែលអណ្ដែតលើអាកាសក្នុងរូបរាងជាផ្ទាំងពពកលើរយៈកំពស់៦ពាន់ម៉ែត្រពីដី បានបង្កើតជាចំណាំងផ្លាតពន្លឺព្រះអាទិត្យ ដែលមើលទៅដូចជាមានព្រះអាទិត្យតូចៗច្រើន ដូចដែលគេអាចឃើញដល់ទៅ៤ផ្សេងទៀត កាលពីព្រឹកមិញនៅខេត្តបាត់ដំបង៕
អានបន្ត៖ វីដេអូបាតុភូតចម្លែកព្រះអាទិត្យ៥រះធ្វើឱ្យផ្អើលប្រជាពលរដ្ឋនៅបាត់ដំបង ព្រឹកនេះ ប្រែសម្រួល៖ សំនៀង
ប្រភព៖ strangesounds, dailymail